Qorǵanys mınıstrligi Túrkııanyń brondy tehnıkasyn synaqtan ótkizbek

NUR-SULTAN. QazAqparat – Qorǵanys mınıstrligi túrkııalyq brondy tehnıkany satyp alý úshin synaqtan ótkizedi. Bul týraly vedomstvonyń Qazaqstan armııasyn qarýlandyrý saıasaty týraly BAQ-ta jarııalanǵan materıalǵa bergen jaýabynda aıtylǵan, dep habarlaıdy QazAqparat tilshisi.

«Qorǵanys mınıstrligi qarý-jaraq jáne áskerı tehnıka naryǵyna udaıy monıtorıng jasap otyrady. Qarý-jaraq pen áskerı tehnıkany úlgilerin tańdaý tártibi resmı normatıvtik qujatpen reglamenttelgen»,- dep jazady mınıstrlik mamandary.

Sondaı-aq Túrııanyń brondy tehnıkasyn satyp alý týraly túpkilikti sheshim qabyldanbaǵany da aıtylǵan.

«Túrkııalyq mashınalarǵa kelsek, ony da atalǵan normatıvtik qujat belgilegen tıisti protsedýra aıasynda zerttep jatyrmyz.

Túrkııalyq brondalǵan dóńgelekti mashınalardy satyp alý máselesi ishki vedomstvolyq keńesshi organ synaqtar qorytyndysy boıynsha oń sheshim shyǵarsa ǵana qarastyrylady»,- delingen resmı málimette.

Buǵan deıin Qorǵanys mınıstrligi qaıeldiń pılotsyz ushatyn apparataryn paıdalanyp júrgeni týraly málimet bergen bolatyn.

Foto : gov.kz