Qorǵanys mınıstrligi parashıýtpen sekirip qaıtys bolǵan áskerıge qatysty túsinik berdi

NUR-SULTAN. QazAqparat - QR Qorǵanys mınıstrligi Almaty oblysynda parashıýtpen sekirý kezinde áskerı qyzmetshiniń qaza bolýyna qatysty túsinik berdi, dep habarlaıdy QazAqparat.

«22 tamyzda Qapshaǵaı qalasynda áskerı qyzmetshiler Mı-17 tikushaǵynan parashıýtpen josparly sekirýdi oryndady. Polkovnık S.S. Aldynǵurov shamamen 200-250 metr bıiktikten sekirý barysynda qaýipsizdik tehnıkasyn buzǵandyqtan negizgi parashıýti aǵytylyp ketken. Áskerı qyzmetshi qosalqy parashıýtti qoldanǵan, biraq bıiktiktiń jetkiliksizdiginen parashıýt ashylyp úlgermegen. Sonyń saldarynan polkovnık Aldynǵurov qaza tapty», - delingen mınıstrliktiń málimetinde.

Vedomstvo aqparatyna sáıkes, parashıýtten sekirý jattyǵýlary jaýyngerlik daıarlyq josparyna sáıkes júrgizilgen.

«Sekirýge aýa raıyda qolaıly bolǵan. Aldynǵurov 100-den asa sekirýdi oryndaǵan. Sonyń ishinde, kúrdeli, uzaqqa sozylǵan, kúndizgi jáne túngi sekirýler bar. Qazirgi ýaqytta oqıǵa sebepteri anyqtalýda. Áskerı qyzmetshiniń qaza bolýy fakti boıynsha «Aýyr zardaptarǵa ákep soqqan qyzmetke salǵyrt qaraý» QR QK-niń 453-baby 2-bóligine sáıkes qylmystyq is qozǵaldy», - dedi Qorǵanys mınıstrliginen.