Qorǵanys mınıstrligi nege túrik tehnıkasyna basymdyq berdi

ASTANA. QazAqparat – QR Qorǵanys mınıstriniń orynbasary Sultan Qamaletdınov áskerı tehnıka óndiretin otandyq kompanııanyń daýly málimdemesine jaýap berdi jáne nelikten turkııalyq tehnıkany satyp alǵanyn túsindirdi, dep habarlaıdy QazAqparat tilshisi.

«Qoǵamda túrik óndirisiniń brondy mashınalaryn satyp alý talqylanyp jatyr, ol Qazaqstanda óndiriletin tehnıkanyń tikeleı analogy kórinedi. Nelikten Qorǵanys mınıstrligi sheteldik jetkizýshige basymdyq berip otyr?», - dep suraq qoıdy tilshiler Ortalyq kommýnıkatsııalar qyzmetinde ótken baspasóz máslıhatynda.

QR Qorǵanys mınıstriniń orynbasary Sultan Qamaletdınov Qorǵanys mınıstrligi tapsyrys berýshi ekenin, ıaǵnı Qarýly Kúshterdiń belgili bir qurylymdyq bólimsheleri úshin talap etiletin tehnıkalyq sharttardy jarııalaıtynyn aıtty.

«Kazakhstan Paramount Engineering kompanııasy jóninde ótinishter boldy. Bizdiń bilýimizshe, qyzmettik tekserý júrip qana qoımaı, olar bizdi sotqa berdi jáne sotta Qorǵanys mınıstrligi jeńiske jetti. Nelikten túrik kompanııasy tańdaldy? Biz kez kelgen áskerı tehnıkanyń arnaıy tapsyrmalardy oryndaýǵa arnalǵanyn anyq bilýimiz kerek. Arnaıy operatsııalar kúshteriniń bólimsheleri úshin mundaǵy «ARLAN» BDM brondalǵan mashınasy jaramsyz, biraq biz olardan bas tartpaımyz, talaptarǵa sáıkes keletin jekelegen bólimsheler úshin satyp alamyz. Túrik kompanııasy shyǵarǵan brondy dońǵalaqty mashınalar týraly tıisti nusqaýlyqtar bar. Olar birneshe elde qyzmetke qabyldandy jáne qarýly qaqtyǵystar kezinde ózderin kórsetti», - dedi Sultan Qamaletdınov.

Óz kezeginde Áskerı-tehnıkalyq saıasat departamentiniń ókili polkovnık Begeltaev mınıstrliktiń 2015 jyldan bastap Kazakhstan Paramount Engineering kompanııasynan tehnıka satyp alatynyn aıtty.

«Búgingi tańda Qarýly kúshterde «ARLAN» BDM-niń 138 birligi bar. Jyl sońyna deıin 10 tehnıka jetkizýdi josparlap otyrmyz. Tańdaý týraly sheshimdi talaptarǵa sáıkes alqa qabyldaıdy. Jumys nátıjeleri boıynsha mınıstrlik tehnıkanyń belgili bir túrlerine jáne memlekettik qorǵanys tapsyrysyna qaraı ótinim jasaıdy. Bul rette, Qorǵanys mınıstrligi oryndaýshyny tańdaýmen jáne sharttar jasasýmen aınalyspaıdy. Bul Indýstrııa jáne ınfraqurylymdyq damý mınıstrliginiń ýákiletti organynyń quzyretine kiredi. Osy jaǵdaıdy túsindirý boıynsha zaýyttyń ótinishi Premer-Mınıstrdiń keńsesi arqyly kelip tústi. Belgilengen tártippen mınıstrlik tolyq jaýap beredi», - dedi spıker.

Foto: trendhaber.com.tr