Qorǵanys mınıstrligi merzimdi áskerı qyzmettiń 2 jylǵa uzartylatynyn rastamady
Bul týraly Ortalyq kommýnıkatsııalar qyzmetinde ótken ınteraktıvti dáris barysynda Qorǵanys mınıstriniń orynbasary general-maıor Talǵat Muhtarov málim etti.
«El ishinde áskerı qyzmet 1 jyldan 2 jylǵa uzartylady degen aqparat tarady. Biraq zań júzinde bir jyldyq ýaqyt belgilengendikten merzimdi áskerı qyzmetti óteý ýaqyty ózgerissiz qalady. Boryshyn óteý úshin shaqyrylǵan sarbazdarǵa áskerı ádis-tásilderdi oqyp-úırenýge on eki aı jetkilikti dep oılaımyn. Biz olardy júrgizýshi, atqysh sekildi mańyzdy mamandyqtarǵa baýlyp, 1 jyldyń ishinde tolyq ıgerip shyǵýlaryna múmkindikter jasaımyz. Óıtkeni bizdiń arnaıy áskerı okrýgterimizde mamandandyrylǵan oqý ortalyqtary jumys jasaıdy. Kelgen jastar negizgi áskerı bólimge jetkenshe sol jerden jan-jaqty daıarlanyp, dáris alyp shyǵady», - dedi ol.
