Qorǵanys mınıstrligi kúzgi áskerge shaqyrý naýqanyn bastady
basqa da áskerler men áskerı quralymdarǵa 10 myńnan astam adamdy shaqyrý josparlanýda. Bul týraly Qorǵanys mınıstrliginiń baspasóz qyzmetinen habarlady.
Áskerge shaqyrý Qazaqstan Respýblıkasynyń 2012 jylǵy 16 aqpandaǵy «Áskerı qyzmet jáne áskerı qyzmetshiniń mártebesi týraly» Zańyna sáıkes, sondaı-aq Qazaqstan Respýblıkasy Prezıdentiniń 2013 jylǵy 28 aqpandaǵy № 509 «Áskerı qyzmettiń belgilengen merzimin ótkergen merzimdi áskerı qyzmettegi áskerı qyzmetshilerdi zapasqa shyǵarý jáne Qazaqstan Respýblıkasynyń azamattaryn 2013 jyldyń sáýir - maýsymynda jáne qazan - jeltoqsanynda merzimdi áskerı qyzmetke kezekti shaqyrý týraly» Jarlyǵymen júzege asyrylady.
Naýqan qarsańynda shilde men qyrkúıek aılary kezeńinde merzimdi áskerge shaqyrylýshylardy aldyn ala irikteýge baılanysty áskerı basqarý organdarynyń mamandary áskerge shaqyrylatyn kontıngentke tekserý jumystaryn júrgizdi. Tekserý áskerge shaqyrylýshylarmen jáne olardyń ata-analarymen jeke dara sondaı-aq áskerge shaqyrylýshynyń jumys isteıtin nemese oqý oqıtyn orny ókilderimen áńgimelesý arqyly júrgizildi.
Jeke dara áńgimelesýdiń barysynda jas azamattyń adamgershilik jáne iskerlik qasıetteri, densaýlyq jaıy, dene tárbıesiniń damýy, jalpy bilim deńgeıi, arnaıy daıyndyǵy men otbasylyq jaǵdaıynyń jalpy kartınasy anyqtaldy.
Áskerge shaqyrylýshylardyń jeke isterin sapaly tekserý jumystaryna Ulttyq qaýipsizdik komıteti, ishki ister organdary, densaýlyq saqtaý uıymdary men oblys jurtshylyǵyn áleýmettik qorǵaý organdarynyń ókilderi tartyldy.
«Áskerı qyzmet jáne áskerı qyzmetshiniń mártebesi týraly» Zań boıynsha merzimdi áskerı qyzmetke on segiz ben jıyrma jeti jas aralyǵyndaǵy keıinge qaldyrýǵa jatpaıtyn áskerge shaqyrylýdan bosatylmaǵan Qarýly Kúshterdi jasaqtaýǵa qajetti azamattar shaqyrylady. Áskerı bólimderge irikteý jáne taratý kezinde áskerge shaqyrylýshynyń áskerge deıingi mamandyǵy esepke alynady.
Merzimdi áskerı qyzmetshilerdiń áskerı qyzmet ótkerý merzimi on eki aı.