Qorǵanys mınıstrligi kelisimshart boıynsha áskerı qyzmetshilerdi qabyldaıtyn 34 jınaqtaý pýnktin iske qosty
Onyń negizgi máni áskerı qyzmetke óz erkimen barǵysy keletin, kásibı, moraldik jáne psıhologııalyq, sondaı-aq dene tárbıesi jaǵynan jaqsy daıyndyǵy bar azamattardy tartý. Bul týraly QR Qorǵanys mınıstrliginiń baspasóz qyzmetinen habarlady.
Vedomstvonyń atap ótýinshe, atalǵan júıeniń jumysyn jaqsartý maqsatynda Qorǵanys mınıstrligi kelisimshart boıynsha áskerı qyzmetshilerdi qabyldaıtyn pýnktterdi qurý baǵdarlamasyn jasady. 2013 jyldyń 1 naýryzynan Qazaqstannyń ártúrli qalalarynda 34 jınaqtaý pýnkti óz jumysyn bastady.
Úgit jumysynyń keń aýqymda júrgizilýi, irikteýdiń naqtylyǵy, qajetti qujattar sanynyń azaıýy óz nátıjesin berdi. Tek jumys bastalǵan alǵashqy aıdan bastap jınaqtaý pýnktiniń qyzmetkerleri zapastaǵy 300-den astam ofıtser men 280-ge jýyq kelisimshart boıynsha áskerı qyzmetshini iriktedi.
«Mundaı kórsetkishke jınaqtaý pýnktindegi jumystyń durys uıymdastyrylýy jáne kelisimshart boıynsha áskerı qyzmetke barǵysy keletin árbir azamatpen jeke áńgimelesý nátıjesinde qol jetip otyr», - delingen habarlamada.
Bolashaqta mundaı jınaqtaý pýnktterin Qazaqstannnyń búkil qalalary men eldi mekenderinde ashý josparda bar. Jınaqtaý pýnktinde kelisimshart boıynsha áskerı qyzmetke barǵysy keletinder tolyq aqparattandyrylyp, Qarýly Kúshter qataryna jazylýǵa múmkindik alady.