Qorǵanys mınıstrligi geoaqparattyq tuǵyrnamany jasaqtap shyqty
Bul sandyq kartografıkalyq, aeroǵaryshtyq túsirilim derekteri, ekonomıka salalary boıynsha aýmaqtyń jedel jabdyqtary men jumyldyrý resýrstarynyń ınfraqurylymdyq málimetteri, terrorıstik turǵydan osal obektilerdi tólqujattaý jónindegi materıaldary jınaqtalǵan geokeńistik aqparat banki.
Platforma komandırlerdi barlyq dárejedegi obektıvti jáne jedel aqparatpen qamtamasyz etedi, al jergilikti jer týraly derekterdi jınaý ýaqytyn qysqartý, baǵalaý jáne áskerlerge jetkizý esebinen sheshimderdiń jedeldigin arttyrady. Jaýyngerlik is-qımyldar kezinde bul áskerler úshin mańyzdy artyqshylyq.
«Sandyq Qazaqstan» memlekettik baǵdarlamasy aıasynda ázirlengen joba - sandyq armııa formatyna kóshýdiń qajetti sharty. Qazirgi jaǵdaıda álemniń kóptegen elderi naqty ýaqyt rejıminde maqsattardy anyqtaıtyn, aqparat almasýdy, maqsat qoıýdy, buıryq berýdi júrgizýge, áskerlerdi baqylaýǵa múmkindik beretin biryńǵaı basqarý júıesin «aıqastyń elektrondyq alańyn» qurý boıynsha belsendi jumys isteıdi.
QR QK Bas shtabynyń geoaqparattyq qamtamasyz etý departamenti memlekettik áskerı qaýipsizdigin qamtamasyz etý boıynsha mindetterdi oryndaıtyn basqa da memlekettik organdar men uıymdarmen tanystyrý jıyndaryn ótkizdi.
