Qorǵanys mınıstrligi azamattardy áskerge shaqyrýǵa tirkeýdi aıaqtaýda
«Áskerı qyzmet jáne áskerı qyzmetkerlerdiń mártebesi týraly» Qazaqstan Respýblıkasy Zańyna sáıkes 2014 jyly 17 jasqa tolatyn jasóspirimder esepke alynatyn bolady. Búgingi tańda 80 myńnan asa adamdy ásker qataryna shaqyrý ýchaskelerine tirkeý júrgizildi. Eki aı ishinde jasóspirim jigitter tıisti qorǵanys isteri jónindegi basqarmalar men bólimderde olardyń áskerı qyzmetke jaramdylyq dárejesin anyqtaý maqsatynda medıtsınalyq tekserýden ótti. Buryn habarlaǵanymyzdaı, bul is-sharalar áskerı qyzmetke shaqyrylý jasyna deıingi jastardy ásker qataryna daıyndaýǵa múmkindik beredi. Densaýlyqtarynda eleýsiz kemshilikter anyqtalǵan jastarǵa tıisti emdeý mekemelerine joldamalar berildi. Olar onda áskerge shaqyrylý jasyna deıin densaýlyqtaryn túzete alady. «Sonymen qatar áskerge shaqyrý pýnktterine tirkeý barysynda jastar arasynda áskerı oqý oryndarynda bilim alýǵa nıet bildirgenderge túsindirý, nasıhattaý jumystary júrgizildi»,-delingen Qorǵanys mınıstrligi baspasóz qyzmetiniń málimetinde.