Qorǵanys mınıstrligi áskerı-tehnıkalyq mektepterine aqysyz oqýǵa qabyldaý júrip jatyr

ASTANA, QazAqparat - «Qorǵanys mınıstrliginiń Áskerı-tehnıkalyq mektebi» RMQK Almaty fılıalynda azamattardy tegin oqýǵa qabyldaý bastaldy, dep habarlaıdy QazAqparat.

Qarýly kúshterdi jasaqtaý qajettiligine sáıkes áskerı júrgizýshilerdi daıarlaý josparlanǵan. Bul rette áskerı-tehnıkalyq mamandyq boıynsha oqý merzimi – úsh aı. Mektep túlekteri «V», «S» jáne «S1» sanatyndaǵy júrgizýshi kýáligin alady.

«Zań boıynsha «S» sanatyndaǵy avtokólik quralyn júrgizý quqyǵy 21 jastaǵylarǵa ǵana beriledi. Al jergilikti áskerı basqarý organynyń joldamasy boıynsha bizdiń mektepti bitirgen jastarǵa mundaı múmkindik 18 jasynda beriledi», – dedi Qorǵanys mınıstrligi Áskerı-tehnıkalyq mektebi Almaty fılıalynyń dırektory polkovnık Mıras Jylgeldın.

Oqý kezeńinde kýrsanttar memleket esebinen turǵylyqty jermen, tamaqpen jáne kıim-keshekpen qamtamasyz etiledi. Bıylǵy jospar boıynsha Áskerı-tehnıkalyq mekteptiń Almaty fılıalynda 60-tan asa adam bilim alady. Osylaısha, Qarýly kúshter qyzmetke daıyndalǵan áskerı-tehnıkalyq beıindegi mamandardy tolyqtyrady.

Tehnıkalyq mamandyqty meńgerý eńbek naryǵynda suranysqa ıe ekenin de atap ótken jón.