Qorǵanys mınıstrligi áskerı realıtı-shoýdyń úshinshi maýsymyn bastady
Bul realıtı-shoýdyń saltanatty tusaýkeseri Almatyda Qurlyq áskerleri Áskerı ınstıtýtynyń platsynda bolyp ótti, dep habarlady QR Qorǵanys mınıstrliginiń baspasóz qyzmetinen.
Telejobaǵa qatysýshylardy QR QK Bas shtaby bastyǵynyń orynbasary - Tárbıe jáne ıdeologııalyq jumystar departamentiniń bastyǵy polkovnık Muhamedjan Talasov quttyqtady.
«Qorǵanys mınıstri Ádilbek Jaqsybekov bastamashy bolǵan «Aıryqsha tapsyrma» áskerı realıtı-shoýy osymen úshinshi ret ótkizilip otyr jáne jyl ótken saıyn bul joba elimizge tanymal bolyp keledi. Bıylǵy jobaǵa kez kelgen qazaqstandyq qatysa alady. Sonymen qatar, shoýǵa qatysamyn dep tilek bildirýshiler sany da artyp otyr. Bul azamattarymyzdyń áskerı ómirge beı-jaı qaraı almaıtynyn bildirse kerek. Sondaı-aq, kóptegen otandastarymyz ózderin áskerı qyzmetshi rólinde oınaýdy armandaıdy», - dedi M.Talasov.
Qazirgi tańda «Aıryqsha tapsyrma» jobasy Qazaqstandaǵy birden bir realıtı-shoý bolyp otyr. Jobanyń maqsaty - Qazaqstan Qarýly Kúshteriniń jaǵymdy obrazyn nyǵaıtý, qazaqstandyq patrıotızmdi qalyptastyrý, Elbasy men Qorǵanys mınıstrligi júrgizip otyrǵan ulttyq Qarýly Kúshterdi damytýǵa baǵyttalǵan aýqymdy jumystardy túsindirý.
Búgingi kastıng barysynda jobaǵa qatysýshylar qazylar alqasyna óz myqtylyqtaryn dáleldep, jeńiske degen múmkindikterin kórsetetin bolady. Іriktelip alynǵan úmitkerler medıtsınalyq komıssııadan ótip, fızıkalyq turǵydan synaq tapsyrady.
Joba barysynda oǵan qatysýshylar kútpegen jáne ekstremaldy kedergilermen kúresedi. Olarǵa kúrdeli tehnıkalyq, taktıkalyq jáne psıhologııalyq tapsyrmalardy sheshýge, qıyndyqtardy jeńýge, jańa ujymǵa beıimdelýge týra keledi. «Aıryqsha tapsyrma» jobasyna qatysý konkýrsanttar ómiriniń jarqyn sátteri bolmaq.
Taıaý kúnderi respýblıkalyq jetekshi arnalardyń birinde áskerı realıtı-shoýdy translııatsııalaý bastalady. Uıymdastyrýshylar jobaǵa qatysýshylardy qandaı synaq kútip turǵanyn, qandaı qarý-jaraq pen áskerı tehnıka qatystyrylatynyn ázirge qupııa ustaýda. Jeńimpazdy avtokólik kútip tur.