Qorǵanys mınıstrligi áskerge shaqyrýdyń josparyn bekitti
QR Prezıdenti janyndaǵy Ortalyq kommýnıkatsııalar qyzmetiniń habarlaýynsha, 2013 jylǵy kóktemgi áskerge shaqyrý naýqany qarsańynda Qazaqstan Respýblıkasynyń Qorǵanys mınıstri Azamattardy merzimdi áskerı qyzmetke shaqyrý týraly keshendi jospardy bekitken.
«Áskerge shaqyrý bastalǵanǵa deıin Qorǵanys isteri jónindegi departamentter men basqarmalarda ýaqytsha jáne turaqty qyzmet kórsetetin medıtsınalyq komıssııalar qurylady. Qazir medıtsına qyzmetkerleri óz jumystaryna qajet medıtsınalyq quraldardy, jabdyqtardy daıyndaýda», - dep habarlady vedomstvonyń baspasóz qyzmetinen.
Oǵan qosa, ıdeolog-ofıtserlerdiń qatysýymen áskerge shaqyrylýshylarmen ótkiziletin patrıotızmdi kúsheıtý, ekstremıstik jáne iritki salýshy dinı baǵyttaǵy aǵymdarǵa qarsy turý máselelerine arnalǵan áńgimelerdiń taqyryptary ázirlendi.
Sondaı-aq jańadan keletin sarbazdardy kazarmalarǵa ornalastyrýdyń jáne turǵyn úı-kazarmalyq qordyń daıyndyǵy tekserilýde.
«Áskerı bólimderdiń áskerge shaqyrylýshylardy qabyldaýǵa ázirligin tekseretin arnaıy komıssııa quryldy. Qazirgi tańda áskerı bólimderde kazarmalardy, ashanalardy, kir jýý kombınattaryn daıyndaý jumystary júrgizilýde», - dep habarlady Qorǵanys mınıstrliginiń baspasóz qyzmetinen.