Qorǵanys mınıstrligi áskerge radıkaldy aǵymdaǵy jastardy barynsha qabyldamaýǵa tyrysady
«Shaqyrtý naýqanyna daıyndalý kezeńinde jergilikti áskerı basqarý organdarynyń laýazymdy adamdary merzimdi áskerı qyzmetke shaqyrylýǵa jatatyn barlyq azamattarǵa qatysty arnaıy esepke alý kartotekalary boıynsha tekserý úshin QR UQK men ishki isterdiń aýmaqtyq organdaryna suraýlar joladanady. Osylaısha, Qorǵanys mınıstrligi áskerı qyzmetke irikteý kezeńi barysynda radıkaldy aǵymdaǵy jastardy qabyldaýdy barynsha boldyrmaýǵa tyrysady»,-dep atap ótilgen vedomstvo málimetinde.
Osy rette joldanǵan saýalǵa kelgen jaýapty qorytyndylaı kele, shaqyrylýshyny áskerge qabyldaý nemese qabyldamaý týraly sheshim shyǵarylady.
Atap aıtqanda, armııalyq ortaǵa dástúrli emes dinı aǵym ıdeıasyn ýaǵyzdaıtyn, onyń ishinde ekstremıstik sıpattaǵy adamdardyń kirýin boldyrmaý maqsatynda «Áskerı qyzmet pen áskerı qyzmetshilerdiń mártebesi týraly» 2012 jylǵy 16 aqpandaǵy QR Zańymen aýdandyq jáne oblystyq shaqyrý komıssııalarynyń quramyna QR Ulttyq qaýipsizdik komıteti aýmaqtyq organdary basshylarynyń orynbasarlary men ishki ister organdarynyń tıisti aýmaqtyq bólimsheleri basshylarynyń orynbasarlary engizildi.
Esterińizge sala keteıik, jaqynda buqaralyq aqparat quraldarynda Aqtóbede radıkaldy toptaǵy jastar ásker qatarynan jappaı shettetile bastaǵandyǵy habarlanǵan bolatyn.
