Qorǵanys mınıstrligi 2011 jyly 4,7 mıllıard teńgeniń memlekettik satyp alýlaryn josparlap otyr
ALMATY. Qazannyń 22-si. QazAqparat /Erlik Erjanuly/ - QR Qarýly Kúshteriniń Materıaldyq qamtamasyz etý Bas basqarmasy bıyl 4,8 mıllıard teńgeniń múlkin memlekettik satyp alýǵa 6 baıqaý ótkizdi.
Bul keshe Almatyda ótken "Jeńil ónerkásiptegi qazaqstandyq úles" dep atalatyn konferentsııa jumysy kezinde aıtyldy.
"QR Qorǵanys mınıstrligi bıyl 153 mıllıon teńgeniń kıim-keshegin, 0,9 mıllıard teńgeniń aıaq kıimin, 2,5 mıllıard teńgeniń tósek jamylǵysyn jáne 1 mıllıardtan astam teńgeniń qural-jabdyǵy men qyzmetin satyp aldy. Endi 2011 jyly 4,7 mıllıard teńgeniń, 2012 jyly 6,1 mıllıard teńgeniń memlekettik satyp alýlary josparlanyp otyr", deıdi QR Qorǵanys mınıstrligi Qarýly kúshteriniń Materıaldyq qamtamasyz etý Bas basqarmasy tóraǵasynyń orynbasary Talǵat Dáýletov.
Onyń aıtýynsha, kelesi jyly mınıstrliktiń quzyrly basqarmasy 3,7 mıllıard teńgeniń kıim-keshegi, 998 mıllıon teńgeniń aıaq-kıimi men 85 mıllıon teńgeniń tósek japqyshtaryn almaq. Al arǵy jyly kıim keshekke - 5,2 mıllıard teńge, aıaq kıimderge - 899 mıllıon teńge, tósek jamylǵysyna 25,9 mıllıon teńge qarastyrylyp otyr.
