Qorǵanys mınıstriniń orynbasary: Kórshilerimizdiń eshbirin yqtımal dushpan retinde kórmeımiz

ASTANA. QazAqparat – Qorǵanys mınıstriniń orynbasary Sultan Qamaletdınov Búkilarmııalyq keńes otyrysynyń aldynda BAQ ókilderiniń Qazaqstan Qarýly Kúshteriniń áleýeti týraly suraqtaryna jaýap berdi, dep habarlaıdy QazAqparat tilshisi.

«Elimiz kópvektorly saıasat ustanyp otyr. Kórshilerimizben shekaramyz belgilenip, qol qoıylǵan. Kórshilerimizdiń eshbirin yqtımal dushpan retinde kórmeımiz. Biz (olarmen) dospyz. Bárimen tatý kórshilik qatynas ornatqanbyz», - dedi mınıstrdiń orynbasary.

Jýrnalıster qaýipti dushpan shabýyl jasasa, el qorǵanysy qalaı tótep beretinin surady. Sultan Kamaletdınov bul sol kezdegi geosaıası jaǵdaıǵa baılanysty ekenin aıtty.

Eske salsaq, Sultan Qamaletdınov buǵan deıin bıyl Qazaqstannyń áskerı bıýdjeti óskenin málim etken edi.

«Qorǵanys mınıstrliginiń áskerı bıýdjeti qarastyrylyp, Qazaqstannyń JІÓ-degi áskerı bıýdjeti bir paıyz shamasynda bekitildi», - deıdi mınıstrdiń orynbasary.

Buǵan deıin Qorǵanys mınıstrligine qarasty oqý oryndary pedagogteriniń jalaqysy ósetini belgili bolǵan edi.

Naqtyraq aıtsaq, áskerı pedagogterdiń laýazymdy aılyq mólsheri:

- 2023 jylǵy 1 qańtardan bastap 2,32 mólsherinde;

- 2024 jylǵy 1 qańtardan bastap 2,74 mólsherinde;

- 2025 jylǵy 1 qańtardan bastap 3,2 mólsherinde mólsherinde túzetý koeffıtsıentin qoldana otyryp aıqyndalady.

Keleshekte áskerı komandırdiń oń qorytyndysyn alǵan merzimdi áskerdegi jaýyngerlerge tegin joǵary áskerı bilim usynylýy múmkin. Qorǵanys mınıstrliginiń bul bastamasyn eldegi 70 joǵary oqý orny qoldap otyr.

Sondaı-aq, búgin Prezıdenttiń Otan qorǵaýshy kúnine arnalǵan saltanatty sharaǵa qatysatyny habarlandy.