Qorǵanys mınıstriniń orynbasary, general Baǵdat Maıkeev ustaldy
«Armııanyń búkil memlekettik satyp alýlaryna basshylyq jasaǵan joǵary shendi áskerı tulǵa belgili bir kommertsııalyq qurylymdardyń múddelerine basymdyq berý úshin para alýǵa kúdiktelýde», - delingen habarlamada.
Arnaıy qyzmet qyzmetkerleri general-maıordy úıiniń aýlasynda ustaǵan. Maıkeevte eki mıllıon dollar aqsha bolǵan - jedel qyzmet oryndarynyń málimetterine qaraǵanda, bul qarajat qorǵanys vedomctvosynyń kóptegen tenderlerine qatysýshy kásipkerlerden alynǵan para tárizdi.
Sot generaldy tutqyndaýǵa sanktsııa berdi jáne qazir ol UQK-niń tergeý abaqtysyna jabyldy.
Sońǵy jyl ishinde bul - Qorǵanys mınıstrligindegi osymen úshinshi sybaılas jemqorlyq janjal. Budan buryn generaldar Almaz Ásenov pen Asqar Búldeshov túrmege otyrǵyzylǵan bolatyn. Olardyń ekeýine de para alǵany jáne qyzmet ókildikterin asyra paıdalanǵany úshin uzaq merzimge úkim shyǵaryldy.