Qorǵanys mınıstriniń orynbasary Áskerı-strategııalyq zertteýler ortalyǵy dırektorlar keńesiniń tóraǵasy bolyp saılandy

ASTANA. 30 shilde. QazAqparat - Búgin «Áskerı-strategııalyq zertteýler ortalyǵy» AQ dırektorlar keńesiniń otyrysy jańa quramda ótti, dep habarlady ÁSZO baspasóz qyzmeti.

Dırektorlar keńesiniń tóraǵasy bolyp Qazaqstan Respýblıkasy qorǵanys mınıstriniń orynbasary Imanjúsip Aqpombaev biraýyzdan saılandy.

Kezdesý barysynda «ÁSZO» AQ prezıdenti B.Ábdiraıym ortalyqtyń qyzmetimen, sondaı-aq strategııalyq josparlarymen tanystyrdy. I.Aqpombaev ortalyqtyń qol jetkizgen nátıjelerin atap ótip, aldaǵy qyzmetine tabystar tiledi.

«ÁSZO» AQ qaýipsizdik pen qorǵanysty qamtamasyz etý salasyndaǵy táýelsiz zertteý ınstıtýty bolyp tabylady.