Qorǵanys mınıstri jemqorlyq faktilerin boldyrmaý mindetin qoıdy
Barlyq faktorlardy, sonyń ishinde sybaılas jemqorlyqqa qarsy kúrestegi obektıvti sebepter men naqty nátıjelerdi eskere otyryp, qorǵanys vedomstvosy sybaılas jemqorlyqqa qarsy sharalardy iske asyrý máselelerin qatań baqylaýǵa alady.
«El áskerinde sybaılas jemqorlyqqa múldem jol bermeý – bizdiń maqsatymyz. Biz Qarýly Kúshterdegi osy zııandy qubylysty azaıtýdy emes, tolyq joıý týraly aıtýymyz kerek, sonymen qatar jumystyń nátıjesin tıisti sandarmen naqtylaýymyz qajet», - dep atap ótti keńes barysynda qorǵanys vedomstvosynyń basshysy Nurlan Ermekbaev.
Qorǵanys mınıstrliginiń sybaılas jemqorlyqqa qarsy komıssııa tóraǵasy general-leıtenant Tımýr Dándibaevqa, Áskerı polıtsııa bas basqarmasynyń bastyǵyna, Qarýly Kúshter túrleriniń bas qolbasshylaryna jáne Óńirlik qolbasshylyqtardyń jáne ásker tekteriniń qolbasshylaryna Qorǵanys mınıstri jeke jaýapkershilik júktedi. Olarǵa bıyl sybaılas jemqorlyqtyń birde-bir faktisine jol bermeý mindeti qoıyldy
Koronavırýs pandemııasy jaǵdaıynda QR Qarýly Kúshteriniń jaýyngerlik ázirligi máselesi el basshylyǵynyń erekshe baqylaýynda qalyp otyr.
Beınekonferentsııa baılanysy arqyly Qorǵanys mınıstrine ásker túrleriniń bas qolbasshylary, tekteriniń qolbasshylary aǵymdaǵy jaǵdaı, jaýyngerlik daıarlyq jaǵdaıy jáne sanıtarlyq-epıdemıologııalyq talaptardyń saqtalýy jóninde baıandady.
Nur-Sultan men Almatyda jumys isteıtin el áskerindegi áskerı-medıtsınalyq qyzmetiniń PTR-zerthanalarynda bir apta ishinde 1 myńǵa jýyq taldama júrgizildi. Budan buryn habarlaǵandaı, jaqyn arada Aqtaýda osyndaı zerthanany ashý aıaqtalmaq.
Qorǵanys mınıstri koronavırýs indetiniń taralýy boıynsha «qyzyl» aımaqtaǵy áskerı jáne ózge de bólimsheler jeke quramynyń 80%-yn qashyqtyqtan jumys isteý rejımine aýystyrýdy, bul rette sanıtarlyq-epıdemıologııalyq talaptardyń saqtalýyn baqylaýdy kúsheıtýdi, áskerı qyzmetshilerdiń bir-birimen baılanysyn barynsha boldyrmaýdy jáne COVID-19 syrqatyn juqtyrýdyń jańa jaǵdaılary jóninde ýaqtyly habarlaýdy qamtamasyz etýdi tapsyrdy.
Apparat keńesi barysynda QR QK Áskerlerdi páterlerge ornalastyrý bas basqarmasynyń jańa bastyǵy polkovnık Amanjol Baımaǵanbetovti tanystyrdy. Oǵan áskerı ınfraqurylym obektilerin salý jáne olarǵa qyzmet kórsetý kezinde jumystardy baqylaýdyń tıimdiligin arttyrý qajettigine nazar aýdarý tapsyryldy.
Vedomstvo basshysy Taldyqorǵan garnızonynyń ınfraqurylymyna qatysty birqatar eskertýler jasap, qyzmettik tergeý júrgizýdi, sondaı-aq modýldik kazarma salý kezinde jiberilgen barlyq kemshilikterdi qysqa merzimniń ishinde joıýdy jáne merdigerlerge qatań sharalar qabyldaýdy tapsyrdy.
Jaýyngerlik jáne dene daıarlyǵy mashyǵy baǵdarlamasynyń sapasyn tekserý maqsatynda qorǵanys vedomstvosynyń basshysy Qazaqstan Qarýly Kúshteri komandalarynyń «ArHO-2021» Armııa halyqaralyq oıyndaryna qatysýy jóninde sheshim qabyldady.
General-leıtenant Nurlan Ermekbaev barlyq sanıtarlyq-epıdemıologııalyq talaptardy saqtaýǵa, tehnıkanyń daıyndyǵyn baǵalaýǵa, joldar men qajetti ınfraqurylymdy jabdyqtaýǵa, maqsatqa saı qatysatyn konkýrstardyń tizimin anyqtaýǵa nusqaý berdi.
