Qorǵanys mınıstri jasulandyqtardy Jańa jyl merekesimen quttyqtady
ASTANA. 25 jeltoqsan. QazAqparat - Búgin QR Qorǵanys mınıstri Ádilbek Jaqsybekov
S.Nurmaǵambetov atyndaǵy «Jas ulan» Respýblıkalyq mektebiniń tárbıelenýshilerin Jańa jyl merekesimen quttyqtady, dep habarlady vedomstvonyń baspasóz qyzmetinen.
«El Prezıdenti - Qazaqstan Respýblıkasy Qarýly Kúshteriniń Joǵarǵy Bas Qolbasshysy Nursultan Nazarbaevtyń qamqorlyǵynyń arqasynda áskerı ınstıtýttar men mektepterde joǵary dárejeli oqytýshylar bilim berýde, onda oqý-materıaldyq bazasy men zamanaýı standarttarǵa saı jaǵdaılar jasalǵan. Sizder baqyttysyzdar. Elbasy, sizderdiń erteńgi kúni Otan qorǵany bolatyndaryńyzǵa senedi. Biraz jyldar ótken soń sizder - qazirgi jasóspirimder memleketimizge qyzmet etetin bolasyzdar», - dep atap ótti Qorǵanys vedomstvosynyń basshysy.
Jasulandyqtar saltanatty jaǵdaıda Aıaz atamen jáne Aqshaqarmen birge Jańa jyldyq shyrshanyń otyn jaqty. Olarǵa mınıstrdiń atynan syılyqtar tapsyryldy.
