Qorǵanys mınıstri «Jas ulan» respýblıkalyq mektebi men Kadet korpýsynyń tárbıelenýshilerin qabyldady
sp;ASTANA. Jeltoqsannyń 20-sy. QazAqparat /Aıdar Ospanalıev/ - Búgin Qorǵanys mınıstri Ádilbek Jaqsybekov Shoqan Ýálıhanov atyndaǵy Kadet korpýsy men Saǵadat Nurmaǵambetov atyndaǵy «Jas ulan» respýblıkalyq mektebiniń tárbıelenýshilerin qabyldap,
olarǵa Jańa jylǵa arnalǵan merekelik shara uıymdastyrdy, dep habarlaıdy QazAqparat.
Shara barysynda jas jaýyngerlerdi merekelerimen quttyqtaǵan Qorǵanys mınıstri; «Biz sizdermen jyldaǵy dástúr boıynsha kezdesip otyrmyz. Ózderińizge belgili, Elbasy bizdiń jastarymyzǵa úlken úmit artady jáne sizderge kóńil bólip otyr. Óıtkeni sizder elimizdiń, qorǵanys salasynyń bolashaǵysyzdar. Al qorǵanys salasy - memlekettiń tiregi. Táýelsizdigimizdiń myqty, berik bolýy osy salanyń qyzmetine de baılanysty. Memleket basshysy el egemendigin alyp, endi ǵana qalyptasyp kele jatqan qıyn-qystaý kúnderdiń ózinde-aq «Jas ulan» sııaqty áskerı saladaǵy mamandar daıarlaıtyn mekteptiń qyzmetin jolǵa qoıdy. Búginde atalmysh mektep pen Kadet korpýsynyń qyzmet etýi respýblıkanyń qorǵanys salasyna qanshalyqty kóńil bólinip otyrǵandyǵynyń kórinisi. Sondyqtan da men sizderdi búgingi merekelerińizben quttyqtaı otyryp, eńbekterińizge sáttilik, oqýlaryńyzǵa tabys tileımin. Men sizderdi bizdiń Otanymyzdyń naǵyz qorǵanyshy bolady degen úmittemin», dedi mınıstr.
Basqosý barysynda jaýynger jastarǵa arnalyp, dastarqan jaıyldy. Sondaı-aq olarǵa syılyqtar tabys etilip, án shyrqalyp, bı bılendi.
