Qorǵanys mınıstri vedomstvonyń arýlaryn kóktem merekesimen quttyqtady
ANA. 5 naýryz. QazAqparat - Halyqaralyq áıelder kúni meıramy qarsańynda, búgin Qorǵanys mınıstrliginde QR Qorǵanys mınıstri Ádilbek Jaqsybekov áıel áskerı qyzmetshilerdi qabyldady,
dep habarlady vedomstvosynyń baspasóz qyzmetinen.
Qorǵanys vedomstvosynyń basshysy arýlardy merekelerimen quttyqtaı kele, olarǵa zor densaýlyq, otbasylyq tabys, baqytty ómir, jańa tabystar jáne kóterińki kóńil-kúı tiledi.
«Bizdiń elde áıel ataýy tek ómir syılaıtyn ana ǵana emes, sonymen qatar «Otan», «Atameken» tárizdi qasıetti uǵymdarmen sabaqtasyp jatyr. Ǵasyrlar boıynda áıel balany patrıot bolýǵa baýlydy, azamattardy qaıtalanbas erlikke bastady. Búgingi tańda ásker sapynda 8 myń qyz-kelinshek bar. Kóptegen arýlarymyz jaýyngerlik ázirlikti aıqyndaıtyn jaýapty qyzmette. Desantshy áıelderdiń er azamattarmen qatar parashıýtpen sekirýi, nemese quralaıdy kózden atqan mergen qyzdarymyzdyń qyzmeti barshaǵa úlgi»,- dedi óz sózinde Qorǵanys mınıstri.
