Qorǵanys mınıstri S. Ahmetov tankishilerdi marapattady
Qorǵanys mınıstrli qazaqstandyq tankishilerdiń sheberligin joǵary baǵalap qana qoımaı, olar álemdik deńgeıdegi kóshbasshylardyń biri ekendigine de basa nazar aýdardy.
"Bizdiń komanda joǵary jaýyngerlik daıarlyq kórsetti. Oǵan barlyǵymyz kýá boldyq. On eki komandanyń arasynda jalpykomandalyq 2-orynǵa ıe boldy. Bizdiń áriptester jaýyngerlik mashınany júrgizýde, dál atýda joǵary sheberlik kórsetti. Barlyq komanda músheleri jeńiske degen qushtarlyǵyn, urys qabiletin tanyta bildi jáne bir adamdaı jumylyp istedi. Bizdiń komandanyń sheberligi jarysqa qatysýshylar men uıymdastyrýshylar tarapynan da joǵary baǵalandy", - dep atap ótti S. Ahmetov Qorǵanys mınıstrliginde ótken saltanatty sharada.
Aıta keteıik, Máskeý mańyndaǵy «Alabıno» polıgonynda tank bıatlonynan ótken eki aptalyq halyqaralyq chempıonat 16 tamyzda aıaqtaldy.
Bıylǵy komandalar arasyndaǵy básekelestiktiń aıtarlyqtaı joǵary bolǵanyna qaramastan, qazaqstandyq tankishiler jalpy komandalyq esepte qurmetti ekinshi oryndy ıelendi (266 upaı). Birinshi orynda Reseı Federatsııasynyń komandasy (294 upaı), úshinshi orynda - Qytaı Halyq Respýblıkasy (220 upaı). Qazaqstandyq ekıpaj Angola, Armenııa, Belarýs, Venesýela, Úndistan, Qyrǵyzstan, Qytaı, Kýveıt, Mońǵolııa, Reseı jáne Serbııa sııaqty 11 elden kelgen komandalarmen sheberlik synasty.
