Qorǵanys mınıstri nusqaýlar berdi
Qorǵanys mınıstri jyljymaly basqarma pýnktinen Ulttyq qaýipsizdik komıtetiniń, Іshki ister mınıstrliginiń, Tótenshe jaǵdaılar mınıstrliginiń laýazymdy adamdaryn oqý-jattyǵý sheńberinde ótkiziletin is-sharalar týraly tyńdady.
Óńirlik qolbasshylyqtar men Desanttyq-shabýyldaý áskerleriniń qolbasshylary ózderiniń basqarý pýnktterinen qaýipti baǵyttarda toptar qurý jáne qoıylǵan oqý-jaýyngerlik mindetter týraly baıandady. Olardyń oryndalý barysy Bas shtabtyń jyljymaly basqarý pýnktine ushqyshsyz ushý apparattary arqyly kórsetildi.
Arnaıy operatsııalar kúshteriniń qolbasshysy arnaıy mindetterdi oryndaýǵa tartylatyn bólimshelerdi qoldaný tártibin baıandady.
General-leıtenant Rýslan Jaqsylyqov oqý-jattyǵýdyń negizgi maqsaty Memleket basshysy Qasym-Jomart Toqaevtyń kúshtik qurylymdardy tıimdi úılestirýdi qamtamasyz etý, olardyń jedel jáne áskerı-tehnıkalyq úılesimdiligin jolǵa qoıý jónindegi tapsyrmasyn iske asyrý bolyp tabylatynyn atap ótti.
Osyǵan baılanysty Qorǵanys mınıstri basqarý organdarynyń jaýyngerlik jumysyn uıymdastyrý jáne áskerlerdiń arnaıy áskerı operatsııalar barysyndaǵy tapsyrmalardy oryndaýy, sondaı-aq jan-jaqty qamtamasyz etý máseleleri jóninde nusqaýlar berdi.
Budan buryn habarlaǵanymyzdaı, «Batyl toıtarys – 2022» keshendi vedomstvoaralyq strategııalyq komandalyq-shtabtyq oqý-jattyǵýy Aqtóbe, Almaty, Atyraý, Jambyl, Qyzylorda, Mańǵystaý, Túrkistan oblystarynyń, sondaı-aq Almaty jáne Shymkent qalalarynyń aýmaǵynda ótip jatyr.
