Qorǵanys mınıstri Mańǵystaý oblysyna jumys saparymen bardy

AQTAÝ. QazAqparat - Qorǵanys mınıstri Nurlan Ermekbaev Mańǵystaý oblysyna jumys saparymen bardy, dep habarlaıdy QazAqparat vedomstvonyń baspasóz qyzmetine silteme jasap.

Áýe keńistigin qorǵaý qyzmetin atqarý barysyn tekserip, teńiz jaıaý áskerleriniń, Arnaıy operatsııalar kúshteri bólimsheleriniń jáne áskerı teńizshilerdiń jaýyngerlik daıarlyǵy ótetin oqý-jattyǵý alańdary men polıgondaryn aralady.

Aqtaý áýe bazasynda Áýe qorǵanysy kúshteriniń bas qolbasshysy maıdan avıatsııasy joıǵyshtarynyń kezekshilik atqarý tártibi, ınfraqurylymnyń jaı-kúıi men áskerı bólimdegi obektilerdiń kúzeti jóninde baıandady.

Qorǵanys vedomstvosynyń basshysy polıgondarda baǵynysty áskerlerdiń jaýyngerlik oqýyn uıymdastyrýǵa jaýapty laýazymdy tulǵalardy tyńdady. Qorǵanys mınıstri sońǵy ýaqyttaǵy qarýly qaqtyǵystardyń tájirıbesin eskere otyryp, engizilip jatqan jańa is-qımyldyń tásilderi men taktıkalyq ádisteriniń sapasyn tekserdi.

Sondaı-aq joǵary qarqynda jeke quramdy 100% sabaqtarmen qamtýdy jáne jaýyngerlik daıarlyq úrdisin úzdiksiz qamtamasyz etýdi tapsyrdy.