Qorǵanys mınıstri kazınoǵa barǵan áskerı qyzmetshilerge qatysty túsinik berdi

ASTANA. QazAqparat - QR Qorǵanys mınıstri Rýslan Jaqsylyqov kazınoǵa barǵa áskerı qyzmetshilerge qatysty túsinik berdi, dep habarlaıdy QazAqparat tilshisi.

«Onda qyzmetkerler emes, áskerı kúshterdiń qyzmetshileri bar. Olardyń árqaısysyna qatysty qazir qyzmettik tergeý júrgizilip jatyr. Tergeý amaldarynyń qorytyndysy boıynsha bul áskerı qyzmetshilerdiń odan ári qyzmetti jalǵastyrýy múmkindigine qatysty sheshim qabyldaımyn. Sondyqtan aldymen tergeý amaldaryn tolyq júrgizip alaıyq», - dedi R.Jaqsylyqov Senatta tilshiler saýalyna jaýap bere otyryp.

Osy oraıda mınıstr atalǵan áskerı qyzmetshilerdiń aty-jóni anyqtalǵanyn aıtty.

«Qyzmettik tergeý júrip jatyr. Bul - áskerılerdiń ortasha quramyndaǵy adamdar. Atap aıtqanda, olardyń arasynda joǵary shendegi áskerıler joq. Óıtkeni joǵary ofıtserlik quram laýazymyndaǵylarda kazınoǵa baratyn ýaqyty joq, olar únemi qyzmette. Atalǵan oqıǵa boıynsha bizdiń áskerı qyzmetshiler oıynǵa salǵan qarajat somasy qomaqty emes», - dedi vedomstvo basshysy.

Budan buryn habarlanǵandaı, kazınoǵa mıllıondap aqsha utylǵan memqyzmetshilerdiń qarajatty qaıdan alǵany zerttelip jatqany aıtylǵan edi.

Foto: i.sunhome.ru