Qorǵanys mınıstri Qazaqstandaǵy Úndistan elshisimen kezdesti

NUR-SULTAN. QazAqparat - Elordada Qorǵanys mınıstri general-leıtenant Murat Bektanov Qazaqstandaǵy Úndistan Respýblıkasynyń Tótenshe jáne Ýákiletti Elshisi Shýbhdarshını Trıpathımen jáne Úndistannyń áskerı attashesi polkovnık Mılan Nalavademen kezdesti. Kezdesý barysynda taraptar ózara qyzyǵýshylyq týdyrǵan ózekti máselelerdi talqylady, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Júzdesý barysynda áskerı bilim berý, jaýyngerlik daıarlyq pen bitimgershilik aýqymyndaǵy yntymaqtastyq perspektıvalary qaraldy.

Qorǵanys vedomstvosynyń basshylyǵy Úndistan áskerı attashesiniń qazaqstandaǵy bitimgershilik mıssııasyn damytýǵa qosqan úlesin atap ótti. Olardyń júrgizip otyrǵan jumysynyń arqasynda «Lıvandaǵy BUU-nyń ýaqytsha kúshteri» mıssııasyna qazaqstandyq bitimgershilik rotasynyń Úndi batalony quramynda qatysýy týraly ýaǵdalastyqqa qol jetkizildi. Polkovnık Mılan Nalavadeniń 2017 jyldan beri jalǵasyp kele jatqan Qazaqstandaǵy mıssııasy osy jyldyń qazan aıynda aıaqtalady.

Aıta ketsek, bıylǵy jyldyń maýsymynda QR QM Bitimgershilik daıarlyq ortalyǵyna barǵan úndi tarapy osy ortalyqty damytý aıasyndaǵy ózara is-qımyldy nyǵaıtýǵa daıyn ekenin jetkizdi.