Qorǵanys mınıstri qaza tapqan ushqyshtardyń týystary men jaqyndaryna kóńil aıtty
«Qazaqstannyń Qarýly Kúshteriniń atynan jáne óz atymnan qyzmettik mindetterin atqarý ústinde qazaǵa ushyraǵan QR QK Áýe Qorǵanysy kúshteriniń ushqyshtary podpolkovnık Erlan Naýanov pen podpolkovnık Denıs Gorbýnovtyń týystary men jaqyndaryna tereń qaıǵyrǵan sezimmen kóńil aıtamyn jáne demeý sózderimdi bildiremin. Talantty, batyl jáne naǵyz kemel shaǵyndaǵy jas ofıtserler dúnıeden ótti. Bul bizdiń bárimiz úshin aýyr qaıǵy. Olar áskerı istiń tanylǵan kásibıleri boldy, olardy kez kelgen jaǵdaıda alǵa qoıylǵan mindetterdi oryndap shyǵatyn erjúrek ofıtserler dep tanıtyn. Bul qaıǵy beıbit kezde de áskerı mamandyq rýhy kúshti jáne erjúrek adamdardyń úlesi ekenin taǵy da eske salady», - delingen QR Qorǵanys mınıstrligi taratqan mátinde.
Eske sala keteıik, áskerı ushaq 2014 jylǵy 23 qyrkúıekte túnde Almaty oblysynda apatqa ushyrady. Avıatsııa oqıǵasynyń sebepterin anyqtaý úshin arnaıy komıssııa quryldy.