Qorǵanys mınıstri Imanǵalı Tasmaǵambetov QR Prezıdenti saılaýynda daýys berdi (FOTO)
QR Qorǵanys mınıstri Imanǵalı Tasmaǵambetov óziniń azamattyq boryshyn Nazarbaev ýnıversıtetinde uıymdastyrylǵan saılaý ýchaskesinde atqardy. Búgin tań atysymen Qazaqstan Qarýly Kúshteriniń áskerı qyzmetshileri elimizdegi 9 740 saılaý ýchaskesine kelip belsendi daýys bergenin atap ótken jón. Qazaqstannyń túkpir-túkpirinen Qurlyq áskerleriniń, Áýe qorǵanysy kúshteri men Áskerı-teńiz kúshteriniń, QR QK ásker tekteriniń, «Astana», «Shyǵys», «Ońtústik» jáne «Batys» óńirlik qolbasshylyqtarynyń áskerı bólimderi men bólimsheleri, áskerı joǵary oqý oryndary jeke quramnyń QR Prezıdenti saılaýyna júz paıyz qatysqany týraly baıandamalar kelip tústi. Sonymen birge qazirgi ýaqytta shetelde oqyp jatqan 400-den asa áskerı qyzmetshi QR Prezıdentiniń saılaýyna qatysyp, belsendilik tanytty. Aıta ketý kerek, Inchhonda (Ońtústik Koreıa) jıynǵa qatysyp jatqan QR QM armııa ortalyq sport klýby taekvondoshylar komandasynyń sportshylary ýaqyttyń aıyrmashylyǵyna oraı 5 saǵat erte daýys berdi. Sondaı-aq Reseı, Belarýs, Ýkraına, Túrkııa, Ońtústik Koreıa, AQSh, Qytaı, Ulybrıtanııa, Germanııa jáne Úndistan áskerı joǵary oqý oryndarynda bilim alyp jatqan kýrsanttar men ofıtserler arnaıy qurylǵan saılaý ýchaskelerine kelip, bir adamdaı daýys berdi. Bul úshin aldyn ala barý jáne qaıtý baǵyttaryna áýe jáne temir jol kólikterine bıletter alynǵan bolatyn. Osylaısha, qazaqstandyq áskerı qyzmetshileriniń árqaısysy óziniń qaı jerde júrgenine qaramastan, Qazaqstan Respýblıkasy Prezıdentiniń saılaýyna qatysty.