Qorǵanys mınıstri bastaǵan qazaqstandyq áskerı delegatsııa Qytaıda resmı saparmen júr
BEIJІŃ. Jeltoqsannyń 24-i. QazAqparat /Rýslan Súleımenov/ - Qorǵanys mınıstri Ádilbek Jaqsybekov bastaǵan qazaqstandyq áskerı delegatsııa jeltoqsannyń 21-24-i aralyǵynda Qytaıda resmı saparmen júr.
Bul týraly Qazaqstannyń Qytaıdaǵy Elshiliginen habarlady.
Seısenbi kúni Beıjińde Á.Jaqsybekov Qytaıdyń qorǵanys mınıstri Lıan Gýanlemen kelissóz ótkizip, onyń barysynda taraptar áskerı saladaǵy isterdiń jaǵdaıy týraly bir-birin habardar etti. Delegatsııalar sondaı-aq, qorǵanys salasyndaǵy eki eldiń ózara is-qımyldarynyń ózekti máseleleri talqylandy.
Seısenbi kúni sondaı-aq mınıstr Á.Jaqsybekov Qytaıdyń Ortalyq áskerı keńes tóraǵasynyń orynbasary Go Bosıýnmen kezdesti. Taraptar, dıplomatııalyq qarym-qatynastar ornatylǵan 17 jyldan beri eki el arasyndaǵy saıası ózara senimniń úzdiksiz tereńdep kele jatqanyn atap kórsetti.
Jeltoqsannyń 23-inen bastap qazaqstandyq delegatsııa Shanhaı áskerı garnızonynyń áskerı nysandaryn aralaý josparlanǵan Shanhaı qalasynda júr.
