Qorǵanys mınıstri áýe shabýylyna qarsy qorǵanys áskerleriniń kezekshiligin kenetten tekserdi

NUR-SULTAN. QazAqparat - Genaral-leıtenant Nurlan Ermekbaev áýe shabýylyna qarsy qorǵanys áskeriniń komandalyq pýnkti men qolbasshylyq basqarmasyn jospardan tys tekserdi. Táýliktik kezekshiliktiń uıymdastyrylýyn qarady, dep habarlaıdy QR Qorǵanys mınıstrliginiń baspasóz qyzmeti.

Qorǵanys mınıstriniń nusqaýymen jaýyngerlik eseptop quramynyń kezekshi kúshteri jaýyngerlik daıarlyqqa keltirildi.

Áskerdegi jaǵdaıǵa jaýaptylar belgilengen merzimde eldiń áýe keńistigin qorǵaý jónindegi mindetterdi oryndaıtyn jeke quramnyń, qarý-jaraq pen áskerı tehnıkanyń ázir ekenin baıandady.

Budan ózge, kezekshi kúshterdiń órtke qarsy qaýipsizdik, órtti shartty túrde anyqtaý men oqshaýlaý is-qımylyn uıymdastyrý barysyn tekserdi.

Atalǵan tekseris jeke quramnyń joǵary qyraǵylyq deńgeıin, kezekshi kúshter men áýe shabýylyna qarsy qorǵanys quraldarynyń jaýyngerlik mindetterdi oryndaýǵa daıyn ekenin kórsetti.