Qorǵanys mınıstri áskerı qyzmetshilerdi Otan qorǵaýshylar kúnimen quttyqtady
Bul týraly QazAqparat QR Qorǵanys mınıstrlginiń baspasóz qyzmetine silteme jasap habarlaıdy.
– El prezıdenti Qasym-Jomart Kemeluly Toqaev Qazaqstan armııasyndaǵy Qarýly kúshterdiń jaýyngerlik ázirligi men jaraqtandyrylýyn arttyrý, áskerı qyzmetshilerdiń moraldyq rýhyn qoldaý boıynsha júrgizilip jatqan jumystardy atap ótti. Bul barlyq jeke quramnyń qyzmetin baǵalaý jáne ol bizge úlken jaýapkershilik júkteıdi, - dep atap ótti general-polkovnık Rýslan Jaqsylyqov.
Qorǵanys mınıstri qazaqstandyqtardyń Ekinshi dúnıejúzilik soǵys jyldaryndaǵy dańqty dástúrleriniń áskerı qyzmetshiler úshin mańyzdylyǵyn atap ótti.
- Otan qorǵaýshylar kúniniń kúntizbede Uly Jeńis merekesimen qatar kelýiniń sımvoldyq máni bar. Ekinshi dúnıejúzilik soǵys adamzat sanasynda órkenıet tarıhyndaǵy eń qaıǵyly betterdiń biri retinde óshpes iz qaldyrdy. Dál sol soǵysta Qazaqstan halqy barlyq qıynshylyqtarǵa qaramastan erliktiń tamasha úlgisin kórsetti», - dedi qorǵanys vedomstvosynyń basshysy.
General-polkovnık Rýslan Jaqsylyqov erekshe kózge túsken áskerı qyzmetshilerge kezekti áskerı ataqtar, ordender men medaldar tapsyrdy.
Qarýly kúshter ardagerleriniń Qazaqstan armııasynyń qalyptasýy men damýyndaǵy róli erekshe atap ótildi.
El Prezıdentiniń Qurmet gramotalarymen Halyq Qaharmany, otstavkadaǵy armııa generaly Muhtar Altynbaev, Halyq Qaharmany, otstavkadaǵy general-leıtenant Baqytjan Ertaev, Keńes Odaǵynyń Batyry, Halyq Qaharmany, otstavkadaǵy avıatsııa general-maıory Toqtar Áýbákirovtar marapattaldy.
«Qazaqstanda 7 mamyrda Otan qorǵaýshylar kúni atap ótiledi. Bul kúni 1992 jyly El Prezıdenti Qazaqstannyń Qarýly kúshterin qurý týraly Jarlyqqa qol qoıdy. 2013 jyldan bastap bul kún memlekettik mereke retinde atalyp ótedi,-delingen Qorǵanys mınıstrligi taratqan habarlamada.
