Qorǵanys mınıstri Arystaǵy jarylystyń yqtımal sebebin atady
«Arysta taǵy eki áskerı bólim bar, olar qyzmetin jalǵastyrýy múmkin. Óıtkeni, eshbir qaýip tóndirip turǵan joq jáne onda oq-dáriler saqtalmaıdy. Elbasy men Prezıdenttiń tapsyrmasy boıynsha endi Arysta oq-dáriler saqtalmaıdy. Basym bóligi qazirgi tańda joıyldy. Al qalǵany Qazaqstan aýmaǵyndaǵy basqa qoımalarǵa jetkiziledi. Arys bul arsenaldan tolyǵymen aryldy deýge bolady», - dedi QR Qorǵanys mınıstri.
Ol sondaı-aq oq-dáriler Qazaqstannyń qaı óńirlerinde saqtalatynyn atap ótti.
«Normalar qaıta qaralady. Olar eldi mekenderden shalǵaı ornalasqan jerde saqtalatyn bolady. Jergilikti atqarýshy basqarmalarǵa eldi mekender qoımalarǵa jáne arsenaldarǵa jaqyn bolmaýyn qadaǵalaýdy tapsyramyz», - dedi mınıstr.
«Qarý saqtaıtyn qoımanyń qurylysy kezinde qashyqtyq normatıvteri saqtalady. Bul qoıma (Arystaǵy - avt.) 1930 jyly salynǵan. Ol kezde bul jerde qala bolmaǵan. Aýyl alys jerde ornalasqan. Alaıda, sol ýaqyttan beri eldi meken qarý saqtaıtyn qoımanyń qaqpasyna jaqyndap qaldy. Bul durys emes. Endi mundaı bolmaıdy», - dedi vedomstvo basshysy.
Onyń aıtýynsha, qazir jarylys sebebin anyqtaý jáne tergeý jumystary júrip jatyr.
«Barlyq nusqalardy qarap jatyrmyz. Naqty aıtý qıyn. Degenmen, birinshi kúni-aq men ózim bólim komandırimen jáne arsenal bastyǵymen birge qoımanyń ishine kirdik, barlyq beınejazbalardy aldyq. Qazir tergeý toby bul jazbalardy tekserip jatyr. Tergeý júrgiziledi. Óz mindetterin durys oryndamaǵan nemese qatelikke boı aldyrǵan laýazymdy tulǵalardyń kinási anyqtalyp, qatań jazaǵa tartylady. Biraq búgingi tańda erejeni buzý sıpattaryn kórip otyrǵan joqpyz», - dep túsindirdi Nurlan Ermekbaev.
Mınıstrdiń atap ótýinshe, Arystaǵy arsenal tehnıkalyq turǵydan eń jaqsy jaraqtandyrylǵan.
«Oqıǵanyń sebebi ártúrli bolýy múmkin: elektr jelisiniń tuıyqtalýy, jarylǵysh zattaǵy hımııalyq reaktsııa, dıversııa, basqa zattyń túsip ketýi, shóptiń órtenýi. Ne degenmen, Arystaǵy arsenal tehnıkalyq turǵydan eń jaqsy jaraqtandyrylǵan edi. Qaýipsizdik sharalary qatań saqtaldy. Ótken jyly jańa júıe, tehnıkalyq qurylǵylar, kúzetpen qamtamasyz etilgen. Syrtqy perımetri men arsenaldyń ishki jaǵdaıyna qatysty barlyq aqparat kelip túsetin serverdi basqarý pýlti boldy. Qoımaǵa kirý shektelgen. ıAǵnı, munda barlyq qaýipsizdik sharalary saqtalǵan. Sońǵy birneshe jylda qoımadan 30 myń tonnadan astam oq-dári shyǵaryldy», - dedi Nurlan Ermekbaev.
Qorǵanys mınıstri jýrnalısterdiń suraqtaryna jaýap bere otyryp, zalaldyń aýqymyn baǵalady. Onyń aıtýynsha, jarylǵan snarıadtar arzan turmaıdy.
