Qorǵanys mınıstri Almaty jáne Qapshaǵaı garnızondarynyń áskerı bólimderin tekserdi
Qorǵanys vedomstvosynyń komıssııasy quramynda – Qurlyq áskerleriniń bas qolbasshysy general-maıor Talǵat Qoıbaqov, Radıatsııalyq, hımııalyq, bıologııalyq qorǵaý jáne ekologııalyq qaýipsizdik, Injenerlik áskerler, Strategııalyq josparlaý, Tárbıe jáne ıdeologııalyq jumystar departamentteriniń, Áskerı ınfraqurylym, Áskerı polıtsııa, Oq-dáriler bas basqarmalarynyń ókilderi de bar.
Qorǵanys vedomstvosy el basshylyǵynyń Qarýly Kúshterdi reformalaý jónindegi birinshi kezektegi mindetterin iske asyrý jóninde sharalar qabyldaýda. Qorǵanys mınıstrliginiń basshylyq quramymen ótken keńeste Qazaqstan Prezıdenti Qasym-Jomart Toqaevtyń bergen tapsyrmalaryn oryndaý aıasyndaǵy jumys sapary barysynda áskerlerdiń jaýyngerlik ázirligine, tehnıkalyq jáne jaýyngerlik jaraqtandyrylýyna basty nazar aýdaryldy.
Desanttyq-shabýyldaý áskerlerinde bólim komandırleri brıgadalardyń jaýyngerlik múmkindikteri, maqsaty boıynsha tapsyrmalardy oryndaý tártibi, sondaı-aq daǵdarysty jaǵdaılar týyndaǵan kezde bólimshelerdi qoldaný máseleleri jóninde baıandady.
Áskerlerdi zamanaýı qarý-jaraqpen jáne áskerı tehnıkamen jabdyqtaýǵa, sondaı-aq áskerı ınfraqurylymdy damytýǵa erekshe nazar aýdaryldy. Áskerlerdiń jaýyngerlik qabiletin kúsheıtý osy mindetterdi sheshýge tikeleı baılanysty.
Qorǵanys vedomstvosynyń basshysy qoımalarda oq-dárilerdi saqtaý sharttaryn tekserdi. Komandırler áskerı obektiler men jaqyn mańdaǵy eldi mekenderdiń qaýipsizdigin qamtamasyz etý sharalarynyń oryndalý barysyn baıandady.
Memleket basshysy oq-dárilerdi qaýipsiz saqtaýdy qamtamasyz etý, sondaı-aq paıdalanýǵa jaramsyz jáne odan ári saqtaýǵa qaýiptilerin kádege jaratý jónindegi sharalardy iske asyrýdy jalǵastyrý qajettigine nazar aýdardy. Qorǵanys vedomstvosy iske asyryp jatqan «Qaýipsiz el» ulttyq jobasynyń basty maqsaty – azamattar men memlekettiń qaýipsizdigin qamtamasyz etý.
Qurlyq áskerleriniń áskerı ınstıtýtynda general-leıtenant Rýslan Jaqsylyqov oqý-tárbıe úrdisiniń uıymdastyrylýymen, kýrsanttardyń turmys-tirshiligimen tanysty. Qarýly Kúshterdiń ardagerlerimen kezdesti. Eńbek demalysynda bolsa da olar armııanyń tynys-tirshiligine belsendi túrde qyzyǵýshylyq tanytyp, jastardy áskerı-patrıottyq tárbıeleýge jáne olardyń áskerı qyzmetke degen yntasyn arttyrýǵa eleýli úles qosyp keledi.
Budan ózge, Qorǵanys mınıstri áskerı qyzmetshilerdiń otbasy múshelerimen jumys jónindegi qyzmet basshylyǵymen áńgimelesip, sheshýdi qajet etetin ózekti áleýmettik máselelerdi talqylady.
