Qorǵanys mınıstri Aqtóbe garnızonynyń medıtsınalyq jabdyqtaryn kórdi
Aqtóbe garnızonynda memlekettik shekaraǵa qol suǵylmaýyn, onyń aýmaqtyq tutastyǵy men egemendigin qorǵaıtyn, udaıy jaýyngerlik ázirlikti ustap turatyn, memlekettik mekeme nysandarynyń kúzetilýi men qorǵalýyn qamtamasyz etetin motoatqysh, artıllerııa jáne barlaýshy shtýrmalyq bólimsheler bar.
Odan basqa Áýe qorǵanysy kúshteriniń Áskerı ınstıtýty jáne Qazaqstan Respýblıkasy Qorǵanys mınıstrliginiń Áskerı-tehnıkalyq mektebi de osy garnızonda. Qorǵanys vedomstvosynyń basshysy oqý-materıaldyq bazanyń, qarý-jaraq pen áskerı tehnıkanyń saqtalý jaǵdaıyn tekserdi.
Odan basqa, Qorǵanys mınıstri Aqtóbe qalasyndaǵy áskerı gospıtalge baryp, mobıldi medıtsınalyq keshen, qabyldaý jáne hırýrgııalyq bólimsheni aralap shyqty. Munda emdeý bólimsheleri, dıagnostıkalyq, qamtamasyz etý bólimsheleri jáne gospıtal ákimshiligi ornalasqan. Odan basqa, óziniń zerthanasy, tis emdeý bólimi men dárihanasy bar. Onyń qyzmetine Aqtóbe, Batys Qazaqstan, Atyraý jáne Mańǵystaý oblystarynda ornalasqan garnızondardyń áskerı qyzmetshileri qaraıdy. 2019 jyly mekemede emdelgen áskerı qyzmetshilerdiń 100%-y óz qyzmetterine oralǵan.
Áskerı garnızonda kúrdeli jol jáne qolaısyz aýa raıy jaǵdaıyna arnalǵan jumys isteý mobıldi medıtsınalyq keshen bar. Oǵan mobıldi operatsııalyq-reanımatsııalyq keshen, mobıldi rentgen kesheni jáne gospıtaldi bólimsheler kiredi. Ol joǵary ótimdi júk avtomobıli bazasynda ornalasqan. Bul tótenshe jaǵdaılarda, ekologııalyq apattar men áskerı qaqtyǵystarda zardap shekkenderge medıtsınalyq kómek kórsetýge múmkindik beredi.
Sapar qorytyndysy boıynsha Nurlan Ermekbaev basymdyq mindetterdi belgiledi jáne ári qaraıǵy jumys boıynsha birqatar naqty tapsyrmalar berdi.
