Qorǵanys isteri jónindegi bólim basshysy alaıaqtyq jasaǵany úshin sottaldy

TARAZ. QazAqparat – Jambyl oblysy T. Rysqulov aýdanynyń qorǵanys isteri jónindegi bóliminiń basshysy alaıaqtyq úshin sottaldy, dep habarlaıdy elimizdi sybaıles jemqorlyqpen kúres qyzmeti.

Agenttik taratqan málimetterge qaraǵanda, Jambyl oblysynyń Sybaılas jemqorlyqqa qarsy kúres qyzmeti shekti jasyna jetýine baılanysty áskerı bılet pen áskerı esepte bolý týraly anyqtama berýge kómekteskeni úshin azamattyń qarajatyn aldaý jáne senimin teris paıdalaný arqyly ıemdengeni úshin kúdikti dep tanylǵan T.Rysqulov aýdanynyń qorǵanys isteri jónindegi bóliminiń basshysy, maıor K. D. Mıngbaevqa qatysty tergeýdi aıaqtady.

Aǵymdaǵy jyldyń 20 jeltoqsanynda Shymkent garnızony áskerı sotynyń úkimimen K.D. Mıngbaev alaıaqtyq jasaǵany úshin kináli dep tanylyp, oǵan 350 myń teńge kóleminde aıyppul salyndy jáne memlekettik qyzmette laýazym atqarý quqyǵynan, sonymen qatar, maıor áskerı ataǵynan aıyrý jazasy taǵaıyndaldy.