Qorǵanys ýnıversıteti ataýynan Tuńǵysh Prezıdent - Elbasy sózderi alynyp tastaldy

QR Tuńǵysh Prezıdenti-Elbasy atyndaǵy ulttyq qorǵanys ýnıversıtetiniń ataýy ózgeredi. Bul týraly Senattyń jalpy otyrysynan keıin depýtat Bekbol Orynbasar aıtty, dep habarlaıdy Kazinform tilshisi.

«QR Tuńǵysh Prezıdenti — Elbasy týraly» Konstıtýtsııalyq zańnyń qoldanylýy toqtatylýyna baılanysty «Qazaqstan Respýblıkasynyń arnaýly memlekettik organdary týraly» zańnyń normalaryna sáıkes keltirý kerek boldy. Zańda QR Tuńǵysh Prezıdenti-Elbasy atyndaǵy ulttyq qorǵanys ýnıversıtetinde oqytý máseleleri reglamenttelgen. Endi osy ýnıversıtettiń ataýy ózgeredi, Tuńǵysh Prezıdent-Elbasy degen sóz alynyp tastalady. Qazaqstan Respýblıkasynyń Ulttyq qorǵanys ýnıversıteti dep atalady», — dedi B. Orynbasarov.

Budan buryn habarlanǵandaı, búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine Ulttyq qordan balalarǵa arnalǵan qarajatty esepteý, tóleý jáne paıdalaný máseleleri boıynsha ózgerister men tolyqtyrýlar engizý týraly» Zańnyń jekelegen baptary maquldanbady.

Bul rette, atalǵan baptardyń jańa redaktsııasyn usyna otyryp, qujat Májiliske qaıtaryldy. 

Osy qujatta «Qazaqstan Respýblıkasynyń Tuńǵysh Prezıdenti — Elbasy týraly» Konstıtýtsııalyq Zańnyń qoldanylýy toqtatylýyna baılanysty «Qazaqstan Respýblıkasynyń arnaýly memlekettik organdary týraly» Zańnyń normalaryna sáıkes keltirý qamtylǵan.