Qorǵanys salasyndaǵy senimdi baqylaý: Áskerı ókildikter ortalyǵynyń róli qandaı
ASTANA. KAZINFORM – Búgin Qorǵanys mınıstrligi Áskerı ókildikter ortalyǵynyń mamandary kásibı merekecin atap ótip jatyr.
Tanymal 17 ókildiktiń sarapshylary qorǵanys-ónerkásip kesheniniń 60-tan astam kásipornynda áskerı maqsattaǵy ónimniń sapasyn baqylaýdy jáne qabyldaýdy júzege asyrady.
Áskerı ókildikter qarý-jaraqtyń, áskerı tehnıkanyń jáne oq-dárilerdiń jańa óndirisin ázirleý jáne óndiriske shyǵarýǵa tikeleı qatysyp, olardy meńgerý jumysyn iske asyrady.
Ortalyq ónimniń sapasyn baqylaý jáne qabyldaý protsesterin retteıtin normatıvtik-quqyqtyq aktilerdiń barlyq tizbesin daıyndap, bekitti. Olardyń ótinishi boıynsha 30-dan astam ulttyq áskerı standarttar ázirlendi.
Qorǵanys-ónerkásip kesheniniń kásiporyndarynda ortalyq qarý-jaraq pen áskerı tehnıkany kúrdeli jóndeýdi, olardy óndirýdi, jańǵyrtýdy jáne satyp alýdy qadaǵalaıdy. Ortalyq mamandary áskerı jáne qos maqsattaǵy taýarlardyń, jumystar men kórsetiletin qyzmetterdiń sapasy men tolyqtyǵyn, olardyń tehnıkalyq qujattama talaptaryna, taktıkalyq-tehnıkalyq tapsyrmaǵa jáne shart talaptaryna sáıkestigin tekseredi.
Memlekettik qorǵanys tapsyrysy sheńberinde ortalyq ókilderi sharttardyń jobalaryn daıyndaýǵa jáne kelisýge qatysady, taýarlardy, jumystar men qyzmetterdi ázirleý jáne óndirý kezinde ulttyq standarttardyń saqtalýyn baqylaıdy. Ortalyq mamandary qarý-jaraqty, áskerı tehnıkany jáne kıim-keshek múlkin óndirý, jóndeý, jańǵyrtý sapasyn baqylaýdy júzege asyrady. Olardyń qyzmetiniń mańyzdy quramdas bóligi áskerı ónimdi qabyldaý, baǵasyn belgileý erejelerine sáıkes tikeleı jáne kooperatsııa tártibimen taýarlardy, jumystar men qyzmetterdi ázirleýge jáne óndirýge jatqyzylǵan naqty shyǵyndardy tekserý jáne kelisý bolyp tabylady.
Ortalyqtyń qurylýy qarý-jaraq pen áskerı tehnıkanyń isten shyǵý jaǵdaılaryn birneshe ese azaıtýǵa, al keıbir pozıtsııalardy alyp tastaýǵa múmkindik berdi. Áskerı ókildiktiń tájirıbesi men bilimi de áskerı maqsattaǵy ónimderdi óndirýdegi negizsiz shyǵyndardy aıtarlyqtaı tómendeýge yqpal etedi.
Aıta ketelik qorǵanys salasyndaǵy ózgeristerter týraly jazǵan edik.