Qorǵanys salasyndaǵy memlekettik tapsyrysqa 3 jylda 950 mlrd teńgege jýyq qarajat bólinedi
ASTANA. KAZINFORM – Ónerkásip jáne qurylys mınıstrligi qorǵanys salasyndaǵy memlekettik tapsyrysqa 2025-2027 jyldary 950 mlrd teńgege jýyq qarajat jumsaýdy kózdep otyr.
Bul týraly mınıstrliktiń 3 jyldyq bıýdjeti týraly aqparatta aıtylǵan.
Naqty aıtsaq, «memlekettik qorǵanystyq tapsyrysty oryndaýdy qamtamasyz etý» tarmaǵyna 2025 jyly 372 mlrd 807 mln 559 myń teńge, 2026 jylǵa 284 mlrd 193 mln 967 myń teńge 284 mlrd 651 mln 954 myń teńge bólý kózdelgen.
Sondaı-aq, qujatta 2025 jyly taratylǵan shahtalardyń jumyskerlerine keltirilgen zalaldy óteý úshin 429,9 mln teńge jumsalatyny aıtylǵan.
Al «Ónerkásipti damytý qory» arqyly avtobýstardy lızıngke jeńildikpen satyp alýǵa bıyl 15 mlrd teńge jumsalmaq.
«Jezqazǵansırekmet» sharýashylyq júrgizý quqyqǵyndaǵy respýblıkalyq memlekettik kásiporyny tehnıkalyq qaıta óńdeýge jáne jańǵyrtý úshin jarǵylyq kapıtalyn ulǵaıtýǵa 1 mlrd teńge qarastyrylǵan.
Aıta keteıik, qarashada Qorǵanys mınıstri Prezıdentke bir jyl boıynda atqarylǵan isterdiń esebin bergen bolatyn.