Qorǵanys mınıstriniń taǵy bir orynbasary laýazymynan bosatyldy
ASTANA. KAZINFORM — Ásker Beısenov Qorǵanys mınıstriniń orynbasary laýazymynan bosatyldy.
Tıisti ókimge Prezıdent Qasym-Jomart Toqaev qol qoıdy.
— Memleket basshysynyń ókimimen Ásker Qurmanǵalıuly Beısenov Qazaqstan Respýblıkasy Qorǵanys mınıstriniń orynbasary laýazymynan bosatyldy, — delingen qujatta.
Eske salaıyq, buǵan deıin Memleket basshysy Qasym-Jomart Toqaev elimizdiń Qorǵanys mınıstrliginiń birqatar laýazym ıelerin qyzmetinen bosatqan edi.
Memleket basshysynyń ókimderimen:
- Qanysh Asanhanuly Ábýbákirov Qazaqstan Respýblıkasy Qorǵanys mınıstriniń birinshi orynbasary – Qazaqstan Respýblıkasy Qarýly Kúshteri Bas shtabynyń bastyǵy;
- Almaz Djenıshevıch Djýmakeev Qazaqstan Respýblıkasy Qorǵanys mınıstriniń orynbasary;
- Qanat Serikqalıuly Nııazbekov Qazaqstan Respýblıkasy Qarýly Kúshteri Áskerı-teńiz kúshteriniń bas qolbasshysy laýazymynan bosatyldy.
Al 2026 jylǵy 27 qyrkúıekte Prezıdent Dáýren Qosanovty Qorǵanys mınıstri laýazymynan bosatty.
Onyń ornyna vedomstvo basshysy bolyp Aıdos Myrzahmetov taǵaıyndaldy.
