Qorǵanys mınıstriniń orynbasary Aqtóbe oblysynda tikushaq apatyna qatysty túsinik berdi
ASTANA. KAZINFORM — QR Qorǵanys mınıstriniń orynbasary Shaıh-Hasan Jazyqbaev Aqtóbe oblysynda tikushaq apatyna qatysty túsinik berdi.
Onyń aıtýynsha, bul oqıǵa boıynsha qyzmettik tekserý bastalǵan.
«Osy rette apatqa ne sebep bolǵany anyqtalyp jatyr. Ártúrli nusqalar tekserilip otyrǵanyn aıta alamyn. Basty nusqa retinde tehnıkalyq aqaý qarastyrylyp jatyr», — dedi Shaıh-Hasan Jazyqbaev Senattyń jalpy otyrysynan keıin tilshiler suraǵyna jaýap bere otyryp.
Eske salsaq, ótken aptada Aqtóbe oblysy Mártók aýdany aýmaǵynda tikushaq apatqa ushyrap, janyp ketti. Bortta úsh adam bolǵan.
«Oqıǵa ornyna TJD jeke quramynan 23 adam men 5 birlik tehnıka jiberildi. Oqıǵa ornyna kelgen TJM qutqarýshylary órtti sóndirdi. MI-8 tikushaǵynyń bortynda 3 adam bolǵan. Olardyń bireýi qaıtys boldy. Zardap shekken eki adam Aqtóbe qalasyna QR QM ıAK-40 VOSVOD ushaǵymen jetkizildi», — dep habarlady QR TJM.