Qorǵanys mınıstriniń keıbir buıryǵyna ózgerister engiziledi

ASTANA. KAZINFORM – Qorǵanys mınıstriniń keıbir buıryǵyna ózgerister men tolyqtyrýlar engizilmek. Tıisti qujat Ashyq normatıvtik-quqyqtyq aktiler portalynda jarııalandy.

Qorǵanys mınıstriniń áskerı qyzmet ótkerý máselelerin retteıtin buıryqtaryna quqyqtyq monıtorıng júrgizý barysynda is júzinde qoldanylmaıtyn normalar naqtylanǵan. Atap aıtqanda, Qarýly kúshterge aýysatyn quqyq qorǵaý jáne arnaıy organdardyń qyzmetkerlerin qaıta attestattaý úshin áskerı oqý oryndarynda bazalyq kýrstardan ótý qajettiligin kózdeıtin norma bar.

«Mundaı jaǵdaılardyń shamaly sanyna, oryn aýystyrý merzimderiniń belgisizdigine jáne belgili bir beıindegi mamandardyń suranysyna baılanysty kýrstardan ótpeı-aq qaıta attestattaý júrgizý usynylady. Osyǵan baılanysty buıryq jobasynda tájirıbede qoldanylmaıtyn norma alyp tastaýǵa jatady», — dedi Qorǵanys mınıstrliginen.

Qujat 5 jeltoqsanǵa deıin qoǵamdyq talqylaýǵa shyǵarylyp otyr.