Qorǵanys mınıstrliginiń quzyreti keńeıtildi

ASTANA. KAZINFORM — Úkimet 2025 jylǵy 22 shildedegi qaýlysymen Qorǵanys mınıstrliginiń quzyretine qatysty erejege ózgerister men tolyqtyrýlar engizdi.

Qujatqa sáıkes, mınıstrliktiń quzyreti kelesi tarmaqtarmen tolyqtyryldy:

— mınıstrliktiń, Bas shtabtyń jáne Qarýly Kúshterdiń qurylymdyq bólimsheleriniń mınıstrlik múddesine memlekettik satyp alýlardy júzege asyrý kezindegi ózara is-qımyly qaǵıdalaryn bekitedi;
— Qarýly Kúshterdiń memlekettik mekemeleri tarapynan taýarlardy (jumys pen kórsetiletin qyzmet) ótkizý jáne olardan túsken qarajatty paıdalaný qaǵıdasyn bıýdjetti oryndaýǵa ýákiletti ortalyq organmen kelisý arqyly bekitedi;
— zertteýler, konsaltıngtik qyzmet qunyn belgileý qaǵıdasyn bıýdjettik josparlaý jónindegi ortalyq ýákiletti organmen kelisý arqyly bekitedi;
— memlekettik tapsyrma qunyn aıqyndaý qaǵıdasyn bıýdjettik josparlaý jónindegi ortalyq ýákiletti organmen kelisý arqyly bekitedi;
— lızıng sharty sheńberinde júzege asyrylatyn aýqymdy shyǵyndar qunyn jáne nysanyn aıqyndaý qaǵıdasyn bıýdjettik josparlaý jónindegi ortalyq ýákiletti organmen kelisý arqyly bekitedi;
— áskerı daıarlyq sabaqtary men jıyndaryn, sondaı-aq Qarýly Kúshterdiń rezervinde áskerı qyzmet ótkerip jatqan áskerı qyzmetshilerdiń tótenshe jaǵdaı kezinde jıyn ótkizý qaǵıdasyn bekitedi.

Sondaı-aq Qorǵanys mınıstrliginiń birinshi basshysy, Qarýly Kúshterdiń memlekettik mekemeleriniń birinshi basshysynyń usynysy negizinde, kiris ákeletin qyzmetpen aınalysý quqyǵy berilgen, túsken qarajat áskerı mekemede qalady (QR zańnamasynda ózgeshe kózdelgen jaǵdaıdy qospaǵanda). 

Odan bólek, jańartylǵan quzyret qatarynda:

— qorǵanys obektilerin salýǵa, jańartýǵa jáne paıdalanýǵa arnalǵan memlekettik-jekeshelik áriptestik sharttary boıynsha jer ýchaskesin óteýsiz ýaqytsha paıdalanýǵa berý qaǵıdasyn bekitedi;
— jeke áriptestiń shyǵynyn óteý maqsatynda qorǵanys obektilerin memlekettik-jekeshelik áriptestik sharttary boıynsha menshikten shyǵarý qaǵıdasyn bekitedi;
— memlekettik-jekeshelik áriptestik sharttary boıynsha menshikten shyǵarylatyn qorǵanys obektileriniń tizbesin ázirleıdi;
— memlekettik qorǵanys tapsyrysyn qalyptastyrý kezinde mınıstrlik, Bas shtab jáne Qarýly Kúshterdiń qurylymdyq bólimsheleriniń ózara is-qımyly qaǵıdasyn bekitedi.

Atalǵan qaýly 2025 jylǵy 5 tamyzdan bastap qoldanysqa engiziledi. 

Birer kún buryn Úkimet Densaýlyq saqtaý mınıstrliginiń quzyretin keńeıtý týraly qaýly shyǵarǵan edi.