Joǵary aýdıtorlyq palata Qorǵanys mınıstrliginiń bıýdjetin tekserýdi bastady
ASTANA. KAZINFORM — Joǵary aýdıtorlyq palata Qorǵanys mınıstrliginiń bıýdjeti men áskerı bólimderdiń materıaldyq-tehnıkalyq qamtamasyz etilýine aýdıt júrgizýdi bastady. Bul týraly palatanyń baspasóz qyzmeti málim etti.
— QR Joǵary aýdıtorlyq palatasy Qorǵanys mınıstrliginde bıýdjet qarajatynyń paıdalanylý tıimdiligine, sondaı-aq áskerı bólimderdiń materıaldyq-tehnıkalyq qamtamasyz etilýine memlekettik aýdıt júrgizýdi bastady, — delingen habarlamada.
Aıta keteıik, búgin Memleket basshysynyń Jarlyǵymen Dáýren Jumataıuly Qosanov Qazaqstan Respýblıkasynyń Qorǵanys mınıstri laýazymynan bosatyldy.
Buǵan deıin Prezıdent Qorǵanys mınıstrligindegi jaǵdaıdy tekseretin komıssııa qurǵan edi.
24 qyrkúıekte Kaspııdegi áskerı oqý-jattyǵý kezinde 17 áskerı qyzmetshini ashyq teńizge alyp ketken bolatyn. Olardyń úsheýi qutqarylyp, 14 áskerı qyzmetshi qaza tapty.
Qyzmetke salǵyrt qarady, korabl júrgizý qaǵıdalaryn buzý boıynsha aýyr zardaptarǵa ákep soqqan qylmystyq quqyq buzýshylyqtar jasady degen kúdikpen Qazaqstan Respýblıkasy Qarýly Kúshteriniń joǵary jáne aǵa komandalyq quramyndaǵy jaýapty laýazymdy tulǵalar ustalǵan bolatyn.
