Qorǵanys mınıstrliginen eskertý: áskerı tehnıka júrip ótedi
ASTANA. KAZINFORM – 2025 jylǵy 2-6 maýsym aralyǵynda Qarýly kúshterdiń daıyndyq josparyna sáıkes elimizdiń birqatar óńirinde áskerı bólimder men quramalardyń jaýyngerlik ázirligin tekserý boıynsha is-sharalar ótedi. Bul týraly Qorǵanys mınıstrligi habarlady.
2025 jylǵy 2-6 maýsym aralyǵynda Qarýly kúshterdiń daıyndyq josparyna sáıkes elimizdiń birqatar óńirinde áskerı bólimder men quramalardyń jaýyngerlik ázirligin tekserý boıynsha is-sharalar ótedi.
Taktıkalyq-saptyq sabaqtar sheńberinde bólimshelerdi dabyl boıynsha kóterý, áskerı tehnıka lekteriniń turaqty ornalasqan jerinen oqý-jattyǵý aýdandaryna, polıgondarǵa jáne oqý ortalyqtaryna qozǵalysy josparlanǵan.
Jattyǵýlar tek oqý maqsatynda ótkiziledi. Ondaǵy maqsat — jaýyngerlik daıyndyq deńgeıi men jeke quramnyń is-qımyl úılesimdiligin arttyrý, sondaı-aq bólimshelerdi basqarýdaǵy komandırlik daǵdylardy jetildirý.
Áskerı tehnıkanyń qozǵalysy barlyq qaýipsizdik normalaryn saqtaı otyryp, qatań bekitilgen baǵdarlar boıynsha júzege asyrylatyn bolady.
— Azamattardy ótkiziletin is-sharalarǵa túsinistikpen qarap, barynsha sabyrly bolýǵa jáne tekserilmegen aqparattardy taratpaýǵa shaqyramyz, — delingen habarlamada.
Aıta ketelik qazaqstandyq áskerı qyzmetshi AQSh-ta rekord ornatqany týraly jazǵan edik.