Qorǵanys mınıstrliginen eskertý: áskerı tehnıka júrip ótedi
ASTANA. KAZINFORM – 12–19 qyrkúık aralyǵynda Jetisý oblysyndaǵy «Kóktal» polıgonynda Ujymdyq qaýipsizdik týraly shart uıymynyń (UQShU) «Shep-2026» birlesken oqý-jattyǵýyn ótkizý josparlanǵan.
Oqý-jattyǵýǵa daıyndyq jáne ony ótkizý kezeńinde, 7–30 qyrkúıek aralyǵynda Almaty jáne Jambyl oblystary, sondaı-aq Jetisý oblysynyń aýmaǵynda áskerı tehnıka men jeke quramnyń josparly qozǵalysy júzege asyrylady.
Oqý-jattyǵý barysynda dalalyq sabaqtar ótkizilip, onyń aıasynda marsh daıyndyǵy, bólimshelerdi basqarý jáne qoıylǵan mindetterdi oryndaý pysyqtalady.
Іs-sharalar UQShU-ǵa múshe memleketterdiń jaýyngerlik daıarlyq boıynsha bekitilgen josparlaryna sáıkes júrgiziledi.
«Shep» oqý-jattyǵýy turaqty negizde Uıymǵa múshe memleketterdiń aýmaǵynda kezekpen ótedi.
— Azamattardan, buqaralyq aqparat quraldarynyń ókilderinen jáne áleýmettik jeli paıdalanýshylarynan tekserilmegen aqparatty taratpaýdy jáne resmı derekkózderde jarııalanǵan málimetterdi ǵana nazarǵa alýdy suraımyz.
Jalǵan aqparatty taratý jáne shyndyqqa sáıkes kelmeıtin málimetterdi jarııalaý Qazaqstan Respýblıkasynyń zańnamasyna sáıkes jaýapkershilikke ákep soǵatynyn eske salamyz, — delingen Qorǵanys mınıstrligi taratqan habarlamada.
Aıta ketelik Qarýly kúshterde jańa mamandyqtar men tsıfrlyq júıeler damıtyny týraly jazǵan edik.
