Qorǵanys mınıstrliginen eskertý: áskerı tehnıka júrip ótedi
ASTANA. KAZINFORM — Áskerlerdi tasymaldaý temirjol eshelondary, jalpyǵa ortaq paıdalanylatyn avtokólik joldarymen qozǵalatyn áskerı avtolekter, sondaı-aq maıdandyq jáne armııalyq avıatsııa arqyly aralas tásilmen júzege asyrylady.
«Batyl toıtarys — 2026» strategııalyq komandalyq-shtabtyq oqý-jattyǵýyna daıyndyq jáne ony ótkizý aıasynda bıylǵy jyldyń tamyz–qyrkúıek aılarynda Qazaqstan Respýblıkasynyń aýmaǵynda qarý-jaraq, áskerı tehnıka jáne jeke quram jaýyngerlik daıarlyq is-sharalary ótetin aýdandarǵa kezeń-kezeńimen jetkiziledi.
— Áskerlerdi tasymaldaý temirjol eshelondary, jalpyǵa ortaq paıdalanylatyn avtokólik joldarymen qozǵalatyn áskerı avtolekter, sondaı-aq maıdandyq jáne armııalyq avıatsııa arqyly aralas tásilmen júzege asyrylady.
«Batyl toıtarys — 2026» oqý-jattyǵýy keshendi túrde ótkiziletindikten, elimizdiń barlyq óńirindegi oqý polıgondaryn qamtyp, Qarýly kúshterdiń qazirgi zamanǵy ahýalda jaýyngerlik mindetterdi oryndaýǵa daıyndyǵyn baǵalaýǵa baǵyttalǵan.
Oqý-jattyǵý barysynda áskerlerdi qoldaný, qurlyqta, áýe keńistiginde, teńizde jáne kıberkeńistikte biryńǵaı jedel túrde ózara is-qımyldy uıymdastyrý máseleleri pysyqtalady, — delingen habarlamada.
Josparǵa saı ótkiziletin bul is-sharalar áskerlerdiń jaýyngerlik mashyǵyn jetildirýge, áskerı basqarý organdarynyń, Qarýly kúshter túrleri men tekteriniń, sondaı-aq arnaıy áskerlerdiń birlesken is-áreketin nyǵaıtýǵa jáne Qarýly kúshterdi qoldanýdyń zamanaýı ádis-tásilderin jetildirýge baǵyttalǵan.
— Osyǵan baılanysty azamattar men buqaralyq aqparat quraldarynyń ókilderinen sabyr saqtap, resmı aqparat kózderine ǵana súıenýdi jáne tekserilmegen málimetterdi taratpaýdy suraımyz.
Jalǵan aqparatty taratý jáne shyndyqqa sáıkes kelmeıtin málimetterdi jarııalaý Qazaqstan Respýblıkasynyń zańnamasyna sáıkes jaýapkershilikke ákep soǵatynyn eske salamyz, — delingen Qorǵanys mınıstrligi habarlamasynda.
Aıta ketelik Ulttyq ulanda qarý-jaraq pen áskerı tehnıkanyń daıyndyǵy tekserilgen edi.
