Qorǵanys mınıstrligi JOO-da tegin oqýǵa grant alǵan merzimdi áskerı qyzmetshileriniń tizimin jarııalady

ASTANA. KAZINFORM - Bir jarym myń orynǵa 2023 jylǵy kúzde áskerge shaqyrylǵan merzimdi qyzmettiń 17 927 sarbazy úmitker boldy.

Konkýrsqa Qorǵanys mınıstrliginen 8 169, Ulttyq ulannan 6 441, Tótenshe jaǵdaılar mınıstrliginen 315, Shekara qyzmetinen 2 715, Memlekettik kúzet qyzmetinen 287 sarbaz qatysty.

Kúshtik qurylymdar áskerı bólimderi sarbazdarynyń qyzmettiń barlyq kezeńindegi úlgerimi men tártibi boıynsha nátıjeleri engizilgen «Srochnıkı 2.0» aqparattyq júıesi irikteýdiń ashyqtyǵyn qamtamasyz etti.

Bilim berý jeńildikterine ıe bolǵan áskerı qyzmetshilerdiń tolyq tizimimen myna silteme boıynsha tanysýǵa bolady.