Qorǵanys mınıstrligi áskerde júrip ajal qushqan qos sarbazdyń ólimine qatysty túsinikteme berdi
ASTANA.KAZINFORM — Qorǵanys mınıstrligi merzimdi qyzmettegi áskerı qyzmetshiler týraly jarııalanymdarǵa qatysty túsinikteme berdi.
«Qatardaǵy jaýynger Erbaıan Muhtarov pen qatardaǵy jaýynger Almas Shahımovtyń ólimine qatysty faktiler Ulttyq ulanda oryn aldy jáne onyń Qarýly kúshterge qatysy joq. 2024 jylǵy 13 mamyrda Saryózek kentindegi 29108 áskerı bóliminiń merzimdi qyzmettegi qatardaǵy jaýyngeri Dosymjan Sálimjannyń qaıtys bolýyna baılanysty qylmystyq is qozǵaldy. Áskerı qyzmetshiniń ata-anasyna jan-jaqty qoldaý kórsetilip, barlyq tıisti ótemaqylar tólenetin bolady», — delingen resmı málimdemede.
Qorǵanys vedomstvosy da, ata-analar da júrgizilip jatqan tergeýdiń shynaıy bolýyna múddeli.
«Áskerı qylmystardy tergeý barysyn QR Bas prokýratýrasy jáne QR Іshki ister mınıstrliginiń tıisti bólimsheleri qadaǵalaıdy. Qarýly kúshterdiń basshylyǵy men áskerı bólimderdiń qolbasshylyǵy tergeý áreketteri men qajetti rásimderdi júrgizýde ashyqtyq pen obektıvtilik qaǵıdattaryn ustanady» — dep habarlady Qorǵanys mınıstrliginiń baspasóz qyzmeti.
