Qorǵanys mınıstrligi elorda aspanynda tikushaqtardyń nege ushyp júrgenin túsindirdi
ASTANA. KAZINFORM – Búgin Astana aspanynda baıqalǵan ushaqtardyń ushýy áskerı paradqa daıyndyqpen baılanysty. Bul týraly QR Qorǵanys mınıstrliginiń baspasóz qyzmeti málimdedi, dep habarlaıdy Kazinform menshikti tilshisi.
Vedomstvoda naqtylanǵandaı, qazirgi ýaqytta elordada 1941-1945 jyldardaǵy Uly Otan soǵysyndaǵy Jeńistiń 80 jyldyǵyna jáne Otan qorǵaýshylar kúnine arnalǵan sherýge daıyndyq júrip jatyr.
Buǵan deıin Qorǵanys mınıstrligi Jeńistiń 80 jyldyǵyna arnalǵan áskerı sherýge qatysty málimdeme jasaǵanyn jazǵan bolatynbyz.
- 2025 jylǵy 22 sáýir men 7 mamyr aralyǵynda áskerı avıatsııanyń jattyǵý ushýlaryn júrgizý úshin Astana qalasynda áýe keńistigin paıdalanýǵa qysqa merzimdi shekteýler qoıylady. Osyǵan baılanysty áýe reısteriniń kestesine de ózgerister engizilýi múmkin. Biz azamattarǵa reıster týraly aqparatty aldyn ala naqtylaýdy usynamyz, - degen bolatyn vedomstvo ókilderi.