Qorǵanys mınıstrligi Aqtaýda mert bolǵan sarbazdyń isi boıynsha arnaıy komıssııa qurdy
ASTANA. KAZINFORM - Aqtaýda mert bolǵan sarbazdyń isin Qorǵanys mınıstrligi erekshe baqylaýyna aldy, dep habarlaıdy mınıstrliktiń baspasóz qyzmeti.
«Aqtaý garnızonyndaǵy 25744 áskerı bóliminiń merzimdi qyzmettegi áskerı qyzmetshisiniń qaıtys bolýyna qatysty is Qorǵanys mınıstriniń erekshe baqylaýyna alyndy. Onyń tapsyrmasy boıynsha Qorǵanys mınıstriniń orynbasary general-maıor Sh-H. Jazyqbaevtyń basshylyǵymen arnaıy komıssııa quryldy. Qaıǵyly jaǵdaıdyń mán-jaılary jan-jaqty tekserilip, tergeý organdaryna obektıvti tergeý júrgizý úshin tolyq kómek kórsetilý ústinde. Kináli tulǵalar QR Qylmystyq kodeksine sáıkes qatań jaýapkershilikke tartylady»,-delingen habarlamada.
QR Qorǵanys mınıstrliginiń basshylyǵy qaza tapqan áskerı qyzmetshiniń otbasy men týystaryna qaıǵyra kóńil aıtady. Sondaı-aq sarbazdyń týystary men jaqyndaryna jan-jaqty kómek kórsetiletinin habarlaıdy.
Osyǵan deıin Aqtaýda oq jaraqatyn alǵan sarbazdyń mert bolǵanyn habarladyq.
