Qorǵanys mınıstrligi Aqparat jáne kommýnıkatsııalar departamentiniń bastyǵy aýysty

ASTANA. KAZINFORM — Ǵanı Ótepbaıuly Japıshov QR Qorǵanys mınıstrligi Aqparat jáne kommýnıkatsııalar departamentiniń bastyǵy bolyp taǵaıyndaldy, dep habarlaıdy vedomstvonyń baspasóz qyzmeti.

Ǵanı Japıshov 1986 jylǵy 13 aqpanda Aqtóbe qalasynda dúnıege kelgen. Túrkistan qalasyndaǵy Q.A. ıAsaýı atyndaǵy Halyqaralyq qazaq-túrik ýnıversıtetin «jýrnalıstıka» mamandyǵy boıynsha, sondaı-aq Qaraǵandy qalasynda «Bolashaq» akademııasyn «quqyqtaný» mamandyǵy boıynsha bitirgen.

Prezıdenttik «Bolashaq» baǵdarlamasynyń stıpendıaty, Broadcast Journalism mamandyǵy boıynsha AQSh-ta Nıý-Iork kıno akademııasyn (NYFA) támamdaǵan.

Jýrnalıstıka salasyndaǵy eńbek ótili — 15 jyldan astam. «Habar», «Qazaqstan» telearnalarynda qyzmet atqarǵan. Aqtóbe oblysy ákiminiń baspasóz qyzmetin basqardy. «Qazaqstan» RTRK» AQ Aqtóbe oblystyq fılıalynyń dırektory boldy.

Sońǵy atqarǵan qyzmeti — Qazaqstan Respýblıkasy Prezıdenti janyndaǵy Ortalyq kommýnıkatsııalar qyzmetiniń keńesshisi.

Buǵan deıin Abaı oblysy Tabıǵı resýrstar jáne tabıǵat paıdalanýdy retteý basqarmasynyń basshysy bolyp Marat Temirjanov taǵaıyndalǵanyn jazdyq.